മുടിയുടെ കാര്യത്തില്‍ വേവലാതി വേണ്ട

മുടി കൊഴിച്ചില്‍ സാധാരണ

മുടി കൊഴിയുന്നത് സാധാരണയാണ്. കാരണം 100 മുതല്‍ 150 മുടി വരെ ദിവസവും കൊഴിയുന്നത് വലിയ കാര്യമാക്കേണ്ട ആവശ്യമില്ല. അതിനാല്‍ ഇത്തരത്തിലുള്ള ചെറിയ മുടി കൊഴിച്ചിലിന് അമിത പ്രാധാന്യം കൊടുക്കേണ്ട കാര്യമില്ല.

നനഞ്ഞ മുടി ശ്രദ്ധിച്ച്

നനഞ്ഞ മുടി എപ്പോഴും വളരെ സൂക്ഷ്മതയോടെ മാത്രമേ കൈകാര്യം ചെയ്യാവൂ. കാരണം നനഞ്ഞ മുടി ചീകുമ്പോള്‍ പെട്ടെന്ന് പൊട്ടിപ്പോവാന്‍ സാധ്യതയുള്ളതിനാല്‍ അകന്ന പല്ലുകളുള്ള ചീര്‍പ്പ് ഉപയോഗിക്കണം.

മുടി മുറിക്കേണ്ടത് അത്യാവശ്യം

മുടി മുറിക്കേണ്ടത് അത്യാവശ്യമാണ്. എല്ലാ 3 മാസം കൂടുമ്പോഴും മുടി മുറിക്കാന്‍ ശ്രദ്ധിക്കുക. ഇത് മുടിയുടെ അറ്റം പിളരുന്നത് തടയാന്‍ സഹായിക്കും.

കളര്‍ ഒഴിവാക്കുക

പലരും മുടിയില്‍ കളര്‍ചെയ്യുന്നത് ഒരു ശീലമാക്കിയിരിക്കുകയാണ്. എന്നാല്‍ ഇത്തരത്തില്‍ രാസപദാര്‍ത്ഥങ്ങള്‍ അടങ്ങിയ കളറുകള്‍ മുടിയുടെ ആരോഗ്യത്തെ കാര്യമായി തന്നെ ബാധിക്കും.

മുടി കഴുകുന്നത് ശ്രദ്ധിച്ച്

എല്ലാ ദിവസവും മുടി കഴുകേണ്ട ആവശ്യമില്ല. മുടി കഴുകുമ്പോള്‍ നല്ല കമ്പനിയുടെ കണ്ടീഷണര്‍ എപ്പോഴും ഉപയോഗിക്കുക.

ഷാമ്പൂ തിരഞ്ഞെടുക്കുമ്പോള്‍ ശ്രദ്ധിക്കുക

ഷാമ്പൂ തിരഞ്ഞെടുക്കുമ്പോള്‍ നല്ല കമ്പനിയുടെ ഷാമ്പൂ തിരഞ്ഞെടുക്കുക. മാത്രമല്ല ഒരേ ഷാമ്പൂ തന്നെ തുടര്‍ച്ചയായി ഉപയോഗിക്കാന്‍ ശ്രമിക്കുക.

ആരോഗ്യത്തിന് എണ്ണ

മുടിയില്‍ ധാരാളം എണ്ണ ഉപയോഗിക്കുക. എണ്ണ ഉപയോഗിച്ചുള്ള മസാജ് മുടിയുടെ വളര്‍ച്ച ത്വരിതപ്പെടുത്തുകയും ഇത് തലയ്ക്ക് തണുപ്പ് നല്‍കുകയും ചെയ്യുന്നു.

സ്‌ട്രെയ്റ്റനര്‍ ഉപയോഗിക്കുന്നത് കുറയ്ക്കുക

മുടിയില്‍ സ്‌ട്രെയ്റ്റനര്‍ ഉപയോഗിക്കുന്നത് പരമാവധി കുറയ്ക്കാന്‍ ശ്രമിക്കുക. ഇത് ഉപയോഗിക്കുമ്പോഴുണ്ടാകുന്ന ചൂടം മറ്റു പ്രശ്‌നങ്ങളും മുടി പൊട്ടിപ്പോവാന്‍ ഇടയാക്കുന്നു.