താരനുണ്ടാക്കും പ്രശ്‌നങ്ങള്‍!!

മുടിയെ ബാധിയ്ക്കുന്ന പ്രശ്‌നങ്ങളില്‍ പ്രധാനപ്പെട്ട ഒന്നാണ് താരന്‍. തുടക്കത്തില്‍ തന്നെ പ്രതിവിധികള്‍ കണ്ടെത്തിയില്ലെങ്കില്‍ ഇത് അധികമാവുകയും ചെയ്യും. മാത്രമല്ല, ഒരാള്‍ ഉപയോഗിച്ച ചീപ്പും മറ്റും ഉപയോഗിച്ചാല്‍ പകരുകയും ചെയ്യും.

താരന്‍ പല പ്രശ്‌നങ്ങളുമുണ്ടാക്കും. ഇതിലൊന്നാണ് മുടികൊഴിച്ചില്‍. ഇതാണ് താരന്റെ പ്രധാന പ്രശ്‌നവും. തലയോടിനെ ബാധിയ്ക്കുന്ന താരന്‍ മുടി വേരോടെ പിഴുതുപോകാന്‍ കാരണമാവുകയും ചെയ്യും.

താരന്‍ അധികമാകുന്നത് മുഖക്കുരുവിനും വഴി വയ്ക്കും. മുഖക്കുരുവിനും മുഖത്തു മറ്റു പാടുകളുണ്ടാകുന്നതിനും ഇതു വഴിയൊരുക്കും. പുരികത്തിലും തലയില്‍ താരനുണ്ടെങ്കില്‍ ഇതിന്റെ പ്രതിഫലനമുണ്ടാകാം.

മുടിയിലുണ്ടാകുന്ന അസഹ്യമായ ചൊറിച്ചിലാണ് താരനുണ്ടാക്കുന്ന മറ്റൊരു പ്രശ്‌നം. ചൊറിയുന്നത് പലപ്പോഴും ശിരോചര്‍മത്തില്‍ മുറിവുകളുണ്ടാക്കാനും ഇടയാക്കും.

താരന്‍ അധികമാകുന്നത് പലരുടേയും ശരീരത്തില്‍ അലര്‍ജിയും ചൊറിച്ചിലുകളുമുണ്ടാക്കും.