മുടിക്ക് വില്ലനായി രോഗങ്ങള്‍

ട്രൈക്കോ ഷൈസിസ്

മുടിയില്‍ ചെറിയ പൊട്ടലുകള്‍ ഉണ്ടാവുന്നതാണ് രോഗം. ഇതിനു കാരണമാകട്ടെ മുടിയിലെ സള്‍ഫറിന്റെ അംശം കുറയുന്നതും.

ട്രൈക്കോറെക്‌സിസ് ഇന്‍വാജിനേറ്റ

പറയാന്‍ കുറച്ചു കഷ്ടമുള്ള പേരാണെങ്കിലും ബാംബൂ ഹെയര്‍ എന്ന ഓമനപ്പേരിലാണ് ഇവന്‍ അറിയപ്പെടുന്നത്. മുടിയുടെ ഇടയ്ക്ക് കായ പോലെ കാണപ്പെടുന്നതാണ് ബാംബു ഹെയര്‍.

പൈലി ടോര്‍ട്ടി

ഇതും മുടിയുടെ അസുഖത്തിന്റെ പേരാണ്. നമ്മള്‍ കാറ്റത്തൊന്നും അല്ലെങ്കിലും മുടി കെട്ടുപിണയുകയും പിന്നീട് പൊട്ടിപ്പോവുകയും ചെയ്യുന്ന അവസ്ഥയായിരിക്കും ഇത്.

മോണിലെത്രിക്‌സ്

ഈ പേരു കേട്ടാല്‍ ഒരു സിനിമാ നടിയുടെ പേരു പോലെയുണ്ടെങ്കിലും ആളത്ര പാവമൊന്നുമല്ല. ജനിതകമായി മുടിക്കുണ്ടാകുന്ന പ്രശ്‌നമാണ് ഈ പേരിലറിയപ്പെടുന്നത്.

ട്രൈക്കോറെക്‌സിസ് നൊഡോസാ

പലരും പറഞ്ഞു നാം കേട്ടിട്ടുണ്ട്. മുടി അധികം നേരം ടവ്വല്‍ കൊണ്ട് ശക്തമായി തോര്‍ത്തരുതെന്ന്. ഇങ്ങനെ ചെയ്യുമ്പോള്‍ മുടിയുടെ അറ്റത്ത് വെളുത്ത കായ് പോലെ ഉണ്ടാവും. ഇതിനെയാണ് ട്രൈക്കോറെക്‌സിസ് നൊഡോസാ എന്നു പറയുന്നത്.

ട്രൈക്കോറ്റോളിസ്

ഇത് സാധാരണ കാണുന്ന രോഗമാണ്. അതായത് മുടിയുടെ അറ്റം പിളര്‍ന്നു പോകുന്ന രോഗം. മുടിയെ തീരെ ശ്രദ്ധിക്കാത്തതിനാലാണ് ഇത് സംഭവിക്കുന്നത്.

പ്ലൈക്കാ ന്യൂറോപതിക്ക

ഇതു പക്ഷേ മാനസിക രോഗികളിലാണ് കൂടുതലായി കണ്ടു വരുന്നത്. മുടി ചുരുണ്ട് വളഞ്ഞ് അവിടവിടെ കട്ടപിടിക്കുകയും ജടപിടിക്കുകയും ചെയ്യുന്ന അവസ്ഥ.