മുടി വളര്‍ച്ചയ്ക്ക് തേന്‍ !

തേനും ഒലിവ് ഓയിലും

തേനും ഒലിവ് ഓയിലും ചേര്‍ത്ത് ഉപയോഗിക്കുന്നത് മുടിവളര്‍ച്ചക്ക് ഏറെ ഫലപ്രദമാണ്. അര കപ്പ് തേന്‍ ഒരു ടേബിള്‍ സ്പൂണ്‍ ഒലിവ് ഓയിലുമായി കലര്‍ത്തി തലയോട്ടിയില്‍ തേച്ച് മസാജ് ചെയ്യുക. 20 മിനുട്ടിന് ശേഷം ഇത് കഴുകിക്കളയാം. ആഴ്ചയില്‍ ഒരു തവണ വീതം ഇത് ചെയ്യുന്നത് മുടിവളര്‍ച്ച ശക്തിപ്പെടുത്തും.

തേനും വെളിച്ചെണ്ണയും

വെളിച്ചെണ്ണ അതിന്‍റെ കണ്ടീഷനിങ്ങ് കഴിവിനാല്‍ പ്രസിദ്ധമാണ്. വെളിച്ചെണ്ണ തേനുമായി ചേര്‍ത്ത് ഉപയോഗിച്ചാല്‍ ചുരുണ്ട് കൈകാര്യം ചെയ്യാനാവാത്ത അവസ്ഥയിലുള്ള മുടിയെ മെരുക്കിയെടുത്ത് മുടിവളര്‍ച്ച ശക്തിപ്പെടുത്താനാവും. തേനും വെളിച്ചെണ്ണയും തുല്യ അളവിലെടുത്ത് കൂട്ടിക്കലര്‍ത്തി തലമുടിയില്‍ തേയ്ക്കുക. 20 മിനുട്ടിന് ശേഷം കഴുകുക.

തേനും അവൊക്കാഡോയും

വരണ്ട, തകരാറായ മുടിയുടെ ആരോഗ്യം വീണ്ടെടുക്കാന്‍ അവൊക്കാഡോ ഏറെ ഫലപ്രദമാണ്. പഴുത്ത അവൊക്കാഡോ പേസ്റ്റ് രൂപത്തിലാക്കിയത് അര കപ്പെടുത്ത് ഒരു ടേബിള്‍സ്പൂണ്‍ തേന്‍ ചേര്‍ക്കുക. ഇത് തലമുടിയില്‍ തേച്ച് 20 മിനുട്ടിന് ശേഷം കഴുകിക്കളയുക. ആഴ്ചയില്‍ ഒരു തവണ വീതം ഇത് ചെയ്യുക.

തേനും യോഗര്‍ട്ടും

തേന്‍ യോഗര്‍ട്ടില്‍ ചേര്‍ത്ത് ഉപയോഗിച്ചാല്‍ മുടിക്ക് തിളക്കവും, വളര്‍ച്ചയും ലഭിക്കും. യോഗര്‍ട്ടിലെ ലാക്ടിക് ആസിഡ് താരനെ ചെറുക്കും. ഒരു കപ്പ് യോഗര്‍ട്ട് അര കപ്പ് തേനുമായി കലര്‍ത്തി മുടിയില്‍ തേച്ച് ഒരു മണിക്കൂറിന് ശേഷം കഴുകുക.

തേനും വെള്ളവും -

ഒരു പാത്രത്തില്‍ ഒരു ഭാഗം വെള്ളത്തില്‍ ഒമ്പതില്‍ ഒരു ഭാഗം തേന്‍ ചേര്‍ത്ത് ഇത് ഉപയോഗിച്ച് തലമുടി മസാജ് ചെയ്യുക. മൂന്ന് മണിക്കൂര്‍ കഴിഞ്ഞ് ഇത് കഴുകിക്കളയുക.