മുടിയുടെ ദുര്‍ഗന്ധം അകറ്റാന്‍ വീട്ടുവിദ്യകള്‍

ബേക്കിംഗ് സോഡ

ഇവിടെ പറയുന്ന ആറ് പരിഹാരങ്ങളില്‍ ഏറ്റവും ഫലപ്രദമായതാണ് ഇത്. ഇത് തലയോട്ടിയിലെ എണ്ണമയം കുറയ്ക്കുന്നതിനൊപ്പം മുടിയുടെ ദുര്‍ഗന്ധവും അകറ്റും. ബേക്കിംഗ് സോഡ നനഞ്ഞ മുടിയില്‍ തേച്ച് 5 മിനുട്ടിന് ശേഷം കഴുകിക്കളയുക.

റ്റീ ട്രീ ഓയില്‍

ഇതിലെ ആന്‍റി മൈക്രോബയല്‍ ഘടകങ്ങള്‍ മുടിയിലെ ദുര്‍ഗന്ധം അകറ്റും. താരന്‍ അകറ്റാന്‍ ഏറെ ഫലപ്രദമായ റ്റീ ട്രീ ഓയില്‍ ഉപയോഗിച്ചാല്‍ മുടിക്ക് ദുര്‍ഗന്ധമുണ്ടാകില്ല. ഏതാനും തുള്ളി ഓയില്‍ വെള്ളത്തില്‍ നേര്‍പ്പിച്ച് തലയോട്ടിയില്‍ മൃദുവായി മസാജ് ചെയ്യുക. ഇതിന് ശേഷം ഷാംപൂ ഉപയോഗിച്ച് കഴുകുക.

തക്കാളി പേസ്റ്റ്

തലമുടിയിലെ ദുര്‍ഗന്ധം അകറ്റാന്‍ പല മാര്‍ഗ്ഗങ്ങളുണ്ട്. തക്കാളി അത്തരത്തിലൊന്നാണ്. തക്കാളി അരച്ച് പേസ്റ്റ് രൂപത്തിലാക്കി തലമുടിയിലും തലയോട്ടിയിലും തേച്ച് 30 മിനുട്ടിന് ശേഷം ഷാംപൂ ഉപയോഗിച്ച് കഴുകുക. തക്കാളി മുടിയുടെ പിഎച്ച് സന്തുലനം സംരക്ഷിക്കുകയും ദുര്‍ഗന്ധം കുറയ്ക്കുകയും ചെയ്യും.

ആപ്പിള്‍ സിഡെര്‍ വിനെഗര്‍

മുടിയുടെ ദുര്‍ഗന്ധം അകറ്റാനുള്ള ഒരു മാര്‍ഗ്ഗമാണ് ആപ്പിള്‍ സിഡെര്‍ വിനെഗര്‍. ഇത് വെള്ളവുമായി ചേര്‍ത്ത് ഏതാനും തുള്ളി സുഗന്ധ തൈലവും ചേര്‍ക്കുക. ലാവെണ്ടറോ, റോസ് ഓയിലോ ഇതില്‍ ചേര്‍ക്കാം.

ലാവെണ്ടര്‍ ഓയില്‍

സുഗന്ധ തൈലങ്ങള്‍ മുടിയുടെ ദുര്‍ഗന്ധം അകറ്റാന്‍ സഹായിക്കുന്നവയാണ്. ലാവെണ്ടര്‍ ഓയിലില്‍ ആന്‍റി ബാക്ടീരിയല്‍, ആന്‍റി ഫംഗല്‍ ഘടകങ്ങളുണ്ട്. ഇത് ഏത് തരത്തിലുമുള്ള വീക്കങ്ങളും തലയോട്ടിയിലെ അണുബാധയും തടയും. കടുപ്പം കുറഞ്ഞ ഷാംപൂ ഉപയോഗിച്ച ശേഷം പൂര്‍ണ്ണമായും ഉണങ്ങാന്‍ അനുവദിക്കുക. തുടര്‍ന്ന് ഏതാനും തുള്ളി ലാവെണ്ടര്‍ ഓയില്‍ കയ്യിലെടുത്ത് തലയോട്ടിയില്‍ മസാജ് ചെയ്യുക.

ഓറഞ്ച്

ഓറഞ്ച് പല തരത്തില്‍ തലമുടി സംരക്ഷണത്തിന് ഉപയോഗിക്കാം. മുടിക്ക് സുഗന്ധം നല്കാന്‍ ഉത്തമമാണ് ഓറ‍ഞ്ച് തൊലി. ഉണക്കി പൊടിച്ച തൊലി വെള്ളത്തിലിട്ട് തിളപ്പിച്ച് തണുക്കാന്‍ അനുവദിക്കുക. തുടര്‍ന്ന് ഇത് ഉപയോഗിച്ച് മുടി കഴുകാം.