ചെമ്പരത്തിയുടെ മുത്തശ്ശി സൂത്രം

ചെമ്പരത്തി താളി

സാധാരണ ചെമ്പരത്തി താളി ഉണ്ടാക്കുന്നതെങ്ങനെയെന്ന് നമുക്കറിയാം. എന്നാല്‍ അതില്‍ നിന്നും അല്‍പം വ്യത്യസ്തമായ ചെമ്പരത്തി താളിയുണ്ട്. ചെമ്പരത്തി ഇല അരച്ചു കുഴമ്പാക്കി കുറച്ച് ഒലീവ് ഓയില്‍ കൂടെ ചേര്‍ത്താല്‍ മതി. ഫലപ്രദമായ താളി തയ്യാര്‍.

മുടി കൊഴിച്ചിലിന് ഉള്ളിയോടൊപ്പം

മുടി കൊഴിച്ചിലിന് ഉള്ളി അരിഞ്ഞ് പേസ്റ്റാക്കിയതും അല്‍പം ചെമ്പരത്തി ഇല അരച്ചതും മിക്‌സ് ചെയ്ത് മുടിയില്‍ പുരട്ടുക. ഇത് മുടി കൊഴിച്ചില്‍ തടയുന്നതിന് ഏറ്റവും ഫലപ്രദമായി ഉപയോഗിക്കാവുന്നതാണ്.

ചെമ്പത്തിയും നെല്ലിക്കയും

ചെമ്പരത്തിയും നെല്ലിക്കയും താരന്‍ പോവാനുള്ള ഏറ്റവും നല്ല പ്രതിവിധിയാണ്. നെല്ലിക്കയുടെ ജ്യൂസും അല്‍പം ചെമ്പരത്തിയുടെ പള്‍പ്പും തേര്‍ത്ത് തലയില്‍ പുരട്ടിയാല്‍ മുടിയുടെ സ്വാഭാവിക നിറം വരുകയും താരന്‍ പൂര്‍ണമായും ഇല്ലാതാവുകയും ചെയ്യും.

മുടി വളര്‍ച്ചയ്ക്ക്

മുടി വളരാന്‍ ഏറ്റവും നല്ല കൂട്ടാണ് ചെമ്പരത്തിയിലയും ഇഞ്ചിയും. ഇത് മുടി കൊഴിച്ചില്‍ നിര്‍ത്തുകയും മുടിവളര്‍ച്ച ത്വരിത ഗതിയിലാക്കുകയും ചെയ്യും.

കറിവേപ്പില ഏറ്റവും നല്ലത്

ചെമ്പരത്തിയിലയും കറിവേപ്പിലയും മുടി കൊഴിച്ചില്‍ പൂര്‍ണമായും നിര്‍ത്തുന്നു. മാത്രമല്ല ഇത് തലവേദനയെ പ്രതിരോധിക്കുകയും ചെയ്യുന്നു.

ചെമ്പരത്തിപ്പൂവും നല്ലത്

ചെമ്പരത്തിപ്പൂവിട്ട് എണ്ണ കാച്ചി തലയില്‍ തേച്ചാല്‍ പേന്‍ശല്യം കുറയുകയും താരന്റെ പൊടിപോലും ഉണ്ടാവാതിരിക്കുകയും ചെയ്യും.

ചെമ്പരത്തി തൈര് മിശ്രിതം വളരെ നല്ലത്

ചെമ്പരത്തിപ്പൂവ് എടുത്ത് പേസ്റ്റ് രൂപത്തിലാക്കി അതിലേക്ക് നാല് ചേബിള്‍ സ്പൂണ്‍ തൈര് ഒഴിക്കുക. ഇത് തലയില്‍ തേച്ച് പിടിപ്പിച്ച ശേഷം കഴുകിക്കളയുക. ഇത് മുടിയുടെ വേരുകളെ ശക്തിപ്പെടുത്തുന്നു.