ചെറുനാരങ്ങ കൊണ്ടു താരന്‍ കളയാം

ചെറുനാരങ്ങ ആരോഗ്യത്തിനും ചര്‍മസംരക്ഷണത്തിനും മാത്രമല്ല, മുടിസംരക്ഷണത്തിനും ഏറെ നല്ലതാണ്.

മുടിയുടെ പല പ്രശ്‌നങ്ങള്‍ക്കും നല്ലൊരു മരുന്നാണ് ചെറുനാരങ്ങ. പ്രത്യേകിച്ചു താരന്.

ചെറുനാരങ്ങ ഉപയോഗിച്ചു പല തരത്തിലും താരന്‍ കളയാം. ഇവയെങ്ങനെയെന്നു നോക്കൂ,

ചെറുനാരങ്ങ മുറിച്ച് തലയോടില്‍ അല്‍പസമയം മസാജ് ചെയ്യുക. ഇതുപോലെ ചെറുനാരങ്ങ പിഴിഞ്ഞൊഴിച്ച വെള്ളം തലയില്‍ ഒഴിയ്ക്കുക.

ഓയില്‍ ചൂടാക്കി ഇതില്‍ ചെറുനാരങ്ങാനീരു കലര്‍ത്തുക. ഇത് ശിരോചര്‍മത്തില്‍ തേച്ചു പിടിപ്പിയ്ക്കുക. അല്‍പം കഴിയുമ്പോള്‍ കഴുകിക്കളയാം.

മുട്ട, ചെറുനാരങ്ങാനീര്, ഓയില്‍ എന്നിവ കലര്‍ത്തി ശിരോചര്‍മത്തില്‍ തേച്ചു പിടിപ്പിയ്ക്കുന്നതും നല്ലതാണ്.

ഉലുവ കുതിര്‍ത്തി അരച്ച് ഇതില്‍ ചെറുനാരങ്ങാനീര് കലര്‍ത്തി തലയോടില്‍ പുരട്ടാം. താരന് ശമനമുണ്ടാകും.

തൈര്, ചെറുനാരങ്ങാനീര് എന്നിവ കലര്‍ത്തി ശിരോചര്‍മത്തില്‍ പുരട്ടുന്നതും ഗുണം ചെയ്യും.