മുടിയ്‌ക്കും വേണം മുട്ട!!

Hair Care

oi-Saritha

By Veena

Published: Thursday, February 12, 2015, 23:00 [IST]

മുട്ട ആരോഗ്യത്തിനു ചേര്‍ന്നൊരു സമീകൃതാഹാരമാണ്‌. ശരീരത്തിനു മാത്രമല്ല, മുടിയ്‌ക്കും മുട്ട ഗുണകരമാണ്‌.

മുട്ട ഉപയോഗിച്ചു പല തരത്തിലുള്ള ഹെയര്‍ പായ്‌ക്കുകളുണ്ടാക്കാം. ഇവയേതൊക്കെയെന്നു നോക്കൂ,

ആവണക്കെണ്ണയും മുട്ടമഞ്ഞയും കൂട്ടിച്ചേര്‍ത്ത് മുടിയില്‍ തേച്ചുപിടിപ്പിക്കുന്നത് മുടിയുടെ ബലം വര്‍ദ്ധിക്കാന്‍ നല്ലതാണ്.

മുട്ടവെള്ളയും തൈരും ചേര്‍ത്താലും നല്ല ഫലം ലഭിക്കും. ഇതിന്റെ കൂടെ ബദാം അരച്ചതും ചേര്‍ക്കാം. മുട്ടയിലെ വെള്ളയും മഞ്ഞയും ചെറുനാരങ്ങാനീരുമായി കൂട്ടിച്ചേര്‍ത്ത് തലയില്‍ തേക്കുക. അല്‍പസമയത്തിന് ശേഷം കഴുകിക്കളയാം. ഇത് താരന്‍ മാറ്റുകയും മുടിക്ക് തിളക്കം നല്‍കുകയും ചെയ്യും.

മുട്ട നല്ലൊന്നാന്തരം കണ്ടീഷണര്‍ കൂടിയാണ്. മുട്ടമഞ്ഞ വെളിച്ചെണ്ണയുമായി കലര്‍ത്തി മുടി നനച്ച ശേഷം മുടിയില്‍ തേക്കാം. ഉണങ്ങിയ ശേഷം കഴുകിക്കളയാം.

ആപ്പിള്‍ സിഡാര്‍ മുട്ട, കറ്റാര്‍ വാഴ, വെള്ളം എന്നിവ ചേര്‍ത്ത് തലയില്‍ തേച്ചാല്‍ ഷാംപൂവിന്റെ ഗുണമുണ്ടാകും. ഹെര്‍ബല്‍ ഷാംപൂവിന്റെ കൂടെ മുട്ട കലര്‍ത്തിയും ഉപയോഗിക്കാം.