ബ്ലീച്ചു ചെയ്ത മുടിയ്ക്ക് സ്വാഭാവിക സംരക്ഷണം

തൈര്, ഒലീവ് ഓയില്‍

എന്നിവ കലര്‍ന്ന മിശ്രിതം തലയില്‍ തേയ്ക്കുന്നത് ബ്ലീച്ച ചെയ്ത മുടിയുടെ സ്വാഭാവിക സൗന്ദര്യം വീണ്ടെടുക്കാന്‍ സഹായിക്കും. ഇത് മുടിയുടെ വരണ്ട സ്വാഭാവം മാറാനും നല്ലതാണ്.

കറ്റാര്‍ വാഴ

കറ്റാര്‍ വാഴ ബ്ലീച്ച് ചെയ്ത മുടിയ്ക്കുള്ള നല്ലൊരു സംരക്ഷണമാണ്. കറ്റാര്‍വാഴയുടെ ജെല്‍ മുടിയില്‍ പുരട്ടാം. അര മണിക്കൂര്‍ കഴിഞ്ഞ് ഇത് കഴുകിക്കളയാം. ഇത് മുടിയ്ക്ക് തിളക്കവും മൃദുത്വവും നല്‍കും.

പനിനീര്

മില്‍ക് ക്രീം, പനിനീര് എന്നിവ കലര്‍ത്തിയ മിശ്രിതം തലയില്‍ തേയ്ക്കുന്നത് ബ്ലീച്ച് ചെയ്ത മുടിയ്ക്കുള്ള മറ്റൊരു ട്രീറ്റ്‌മെന്റാണ്. ഇത് മുടിയുടെ വരണ്ട സ്വഭാവം മാറ്റും.

ഹെന്ന

ഇത്തരം മുടിയ്ക്ക് ഹെന്ന പരിചരണവും നല്ലതാണ്. ഹെന്ന മുടിയില്‍ പുരട്ടി കുറച്ചു കഴിയുമ്പോള്‍ കഴുകിക്കളയാം. ഹെന്നയില്‍ ചെറുനാരങ്ങാനീര്, ആര്യവേപ്പ്, നെല്ലിക്ക എന്നിവ ചേര്‍ക്കുന്നതും ഗുണം ചെയ്യും.

ചെമ്പരത്തി

ചെമ്പരത്തി ഇല ഇടിച്ചു പിഴിഞ്ഞു താളിയാക്കി തേയക്കുന്നതും ബ്ലീച്ചിംഗ് കാരണം മാര്‍ദവം നഷ്ടപ്പെട്ട മുടിയ്ക്ക് സ്വാഭാവിക സൗന്ദര്യം നല്‍കുന്നതിനു സഹായിക്കും.