പുരുഷനും വേണ്ടേ, ആരോഗ്യമുള്ള മുടി?

കെമിക്കലുകള്‍

മുടിയില്‍ നിന്നും കെമിക്കലുകള്‍ കഴിവതും ഒഴിവാക്കുക. വിപണിയില്‍ ലഭ്യമായ പല മുടിസംരക്ഷണ ഉപാധികളിലും കെമിക്കലുകളുണ്ട്. ഇവ കുറഞ്ഞ തോതില്‍ ഉപയോഗിയ്ക്കുന്നത് കാര്യമായ ദോഷം വരുത്തില്ലെങ്കിലും കൂടുതലായാല്‍ മുടിയുടെ ആരോഗ്യത്തിന് ഏറെ ദോഷം വരുത്തും.

ഷാംപൂ

പുരുഷന്മാര്‍ക്ക് ആഴ്ചയില്‍ രണ്ടോ മൂന്നോ തവണ ഷാംപൂ ഉപയോഗിയ്ക്കാം. കഴിവതും ഹെര്‍ബല്‍ ഉല്‍പന്നങ്ങള്‍ ഉപയോഗിയ്ക്കുക.

ഇറുകിയ തൊപ്പി

ഇറുകിയ തൊപ്പി ധരിയ്ക്കുന്നത് ഒഴിവാക്കണം. ഇത് മുടിയുടെ വേരുകളെ ദുര്‍ബലമാക്കും. മുടികൊഴിച്ചില്‍ കൂടൂം. ശിരോചര്‍മത്തില്‍ വിയര്‍പ്പും ചെളിയുമാകാന്‍ ഇട വരുത്തും.

ഹെയര്‍ ഡ്രയര്‍ ഉപയോഗം

ഹെയര്‍ ഡ്രയര്‍ ഉപയോഗം പരമാവധി കുറയ്ക്കുക. നീളം കുറവായതു കൊണ്ട് പുരുഷന്മാരുടെ മുടിയുണങ്ങാന്‍ അധികം പ്രയാസമുണ്ടാകില്ല.

ഹെല്‍മെറ്റ്

ഹെല്‍മറ്റിന്റെ ഉപയോഗവും മുടിയുടെ ആരോഗ്യത്തെ കേടു വരുത്തും. മുടിവേരുകള്‍ക്ക് സ്ഥിരമായ പ്രശ്‌നങ്ങളുണ്ടാകാന്‍ ഇത് കാരണമാകും. മുടിയുടെ മുകളില്‍ ടവല്‍ കെട്ടിയ ശേഷം മാത്രം ഹെല്‍മെറ്റ് ഉപയോഗിയ്ക്കുക.

മസാജ്

ഹെയര്‍ ജെല്ലുകള്‍ ഉപയോഗിയ്ക്കുന്നതിനു പകരം എണ്ണ കൊണ്ട് മുടി മസാജ് ചെയ്യുന്നത് മുടിയുടെ ആരോഗ്യത്തിന് ഏറെ ഗുണകരമാണ്.

നല്ല ഭക്ഷണം

നല്ല ഭക്ഷണം മുടിയുടെ ആരോഗ്യത്തിന് വളരെ പ്രധാനമാണ്. പോഷകങ്ങള്‍ ശാരീരിക ആരോഗ്യത്തിനു മാത്രമല്ല, മുടിയുടെ ആരോഗ്യത്തിനും പ്രധാനം തന്നെ.

മദ്യപാനം, പുകവലി ശീലങ്ങള്‍

മദ്യപാനം, പുകവലി ശീലങ്ങള്‍ മുടിയുടെ ആരോഗ്യത്തെയും കേടു വരുത്തും. ഇവ ഉപേക്ഷിയ്ക്കുക.