മുടിസംരക്ഷണത്തിന് ഓറഞ്ച്

മുടി കൊഴിച്ചില്‍

ഓറഞ്ചിലെ വൈറ്റമിന്‍ സി, ബയോഫ്‌ളവനോയ്ഡുകള്‍ എന്നിവ തലയോടിലെ രക്തചംക്രമണം വര്‍ദ്ധിപ്പിയ്ക്കും. ഇത് മുടി കൊഴിച്ചില്‍ തടയാന്‍ സഹായിക്കും.

ഹെയര്‍ പായ്ക്ക്‌

ഓറഞ്ച് ജ്യൂസ് നല്ലൊരു ഹെയര്‍ പായ്ക്കായും ഉപയോഗിക്കാം. ഇതും തേന്‍, വെള്ളം എന്നിവയും ചേര്‍ത്ത് തലയില്‍ പുരട്ടാം. കാല്‍ മണിക്കൂര്‍ കഴിഞ്ഞ് കഴുകിക്കളയാം.

മുടിയുടെ വേരുകള്‍

മുടിയുടെ വേരുകള്‍ ശക്തിപ്പെടുത്തുന്നതിനും ഓറഞ്ച് നല്ലതു തന്നെയാണ്. ഓറഞ്ച് ജ്യൂസ് തലയില്‍ തേയ്ക്കുന്നത് ഗുണം ചെയ്യും,

മുടിയുടെ തിളക്കം

മുടിയുടെ തിളക്കത്തിനും ഓറഞ്ച് ജ്യൂസ് നല്ലതുതന്നെ. ഇത് പാല്‍, തേന്‍ എന്നിവ ചേര്‍ത്ത് മുടിയില്‍ പുരട്ടാം. ഇത് അല്‍പം കഴിഞ്ഞ് കഴുകിക്കളയുകയും ചെയ്യാം.

താരന്‍

താരന്‍ ചെറുക്കുന്നതിനും ഓറഞ്ച് ജ്യൂസ് നല്ലതു തന്നെയാണ്. ഓറഞ്ച് പീല്‍, ചെറുനാരങ്ങാനീര് എന്നിവ ചേര്‍ത്തരയ്ക്കുക. ഇത് തലയോടില്‍ തേച്ചു പിടിപ്പിയ്ക്കണം. ഇത് അരമണിക്കൂര്‍ കഴിഞ്ഞ് കഴുകിക്കളയാം.

മുടി വൃത്തിയാക്കുവാന്‍

ഓറഞ്ച് തൊലി രാത്രി മുഴുവന്‍ വെള്ളത്തില്‍ ഇടുക. രാവിലെ ഇത അരച്ച് തലയില്‍ തേയ്ക്കാം. ഇത് അര മണിക്കൂര്‍ കഴിഞ്ഞ് കഴുകിക്കളയാം. ഇത് മുടി വൃത്തിയാക്കുവാന്‍ സഹായിക്കും.

അമിത എണ്ണമയം

അമിത എണ്ണമയമുള്ള മുടിയ്ക്കുള്ള ഒരു പരിഹാരം കൂടിയാണ് ഓറഞ്ച് പീല്‍. ഓറഞ്ച് അരച്ച് തലയില്‍ പുരട്ടുന്നതും ഓറഞ്ച് നീര് തലയോടില്‍ പുരട്ടുന്നതുമെല്ലാം ഗുണം ചെയ്യും.