താരന്‍ മാറ്റാന്‍ ഹെയര്‍ മാസ്‌കുകള്‍

താരന്‍ പലരേയും അലട്ടുന്ന ഒരു പ്രശ്‌നമാണ്. പ്രത്യേകിച്ച് മഞ്ഞുകാലത്ത് തലയോട് കൂടുതല്‍ വരണ്ടതാകുമ്പോള്‍.

മുടികൊഴിച്ചിലിന് ഇട വരുത്തുന്നതു കൊണ്ടുതന്നെ താരന്‍ വേണ്ട രീതിയില്‍ ചികിത്സിച്ചില്ലെങ്കില്‍ പ്രശ്‌നം തന്നെയാണ്.

താരന് പല വീട്ടുമരുന്നുകളുമുണ്ട്. പ്രത്യേകിച്ച് വീട്ടില്‍ തയ്യാറാക്കാവുന്ന ചില ഹെയര്‍ മാസ്‌കുകള്‍. ഇത്തരം ചില ഹെയര്‍ മാസ്‌കുകള്‍ ഏതെല്ലാമെന്നു നോക്കൂ,

ഒലീവ് ഓയില്‍, വെളിച്ചെണ്ണ എന്നിവ കലര്‍ത്തി തലയോടില്‍ തേച്ചു പിടിപ്പിയ്ക്കാം. ഇത് ചെറുതായി ചൂടാക്കി തലയോടില്‍ പുരട്ടുന്നതാണ് കൂടുതല്‍ ഗുണം ചെയ്യുക. ഇത് താരന്‍ മാറാന്‍ നല്ലതാണ്.

അരക്കപ്പ് തൈര്, ഒരു ടീസ്പൂണ്‍ ചെറുനാരങ്ങാനീര്, ഒരു ടീസ്പൂണ്‍ തേന്‍ എന്നിവ കലര്‍ത്തി തലയില്‍ പുരട്ടാം. അല്‍പം കഴിഞ്ഞ് ചെറുചൂടുള്ള വെള്ളമുപയോഗിച്ച്ചു കഴുകിക്കളയാം.

മുട്ടവെള്ള, ഒലീവ് ഓയില്‍ എന്നിവ കലര്‍ത്തി തലയോടില്‍ പുരട്ടാം.ഇത് ഉണങ്ങുമ്പോള്‍ കഴുകിക്കളയാം. ഇതും താരനു പറ്റിയ നല്ലൊരു മരുന്നാണ്.

ചെമ്പരത്തിയുടെ ഇലയും പൂവും ചേര്‍ത്തരച്ച് ഇതില്‍ അല്‍പം ഒലീവ് ഓയിലും കലര്‍ത്തി തലയോടില്‍ തേച്ചു പിടിപ്പിയ്ക്കാം. ഇത് താരന്‍ മാറാന്‍ സഹായിക്കും.

ഓട്‌സ് പൊടിച്ച് പാലില്‍ കലര്‍ത്തി ഇതില്‍ ബദാം ഓയില്‍ കലര്‍ത്തി തലയോടില്‍ പുരട്ടാം. ഇത് അല്‍പം കഴിയുമ്പോള്‍ ഇളംചൂടുവെള്ളം ഉപയോഗിച്ചു കഴുകിക്കളയാം. ഇതും താരന്‍ മാറ്റാന്‍ സഹായകമാണ്.താരന്‍ മാറ്റാന്‍ എളുപ്പവഴികള്‍