മുടി സംരക്ഷണത്തിന്‌പാചക എണ്ണകൾ

വെളിച്ചെണ്ണ

ചർമ്മത്തിലും മുടിയിലും കൂടുതലായി പ്രയോഗിക്കുന്ന എണ്ണയാണ് വെളിച്ചെണ്ണ. മുടിക്ക് ഏറ്റവും മികച്ച കണ്ടീഷണറാണ് വെളിച്ചെണ്ണ. മുടിയെ മനോഹരമാക്കും എന്ന് മാത്രമല്ല മുടി തഴച്ചുവളരാനും വെളിച്ചെണ്ണ ഉത്തമമാണ്. താരൻ പോലുള്ളവയെ തടയുന്ന ആൻറിസെപ്റ്റിക് കഴിവും വെളിച്ചെണ്ണക്കുണ്ട്.

സെസൈം എണ്ണ

സെസൈം എണ്ണ പോലെ മുടി സംരക്ഷണത്തിന് അനുയോജ്യമായ മറ്റൊന്നില്ല എന്നു തന്നെ പറയാം. തലയോട്ടിയിൽ ഈ എണ്ണ ഉപയോഗിച്ച് മസ്സാജ് ചെയ്താൽ രക്തയോട്ടം കൂടുമെന്ന് മാത്രമല്ല മുടിവളർച്ചയെ സഹായിക്കുകയും ചെയ്യും.

ഒലീവെണ്ണ

മുടിസംരക്ഷണത്തിന് അനുയോജ്യമായ എണ്ണ തേടി നടക്കുകയാണെങ്കിൽ മറ്റെവിടെയെങ്കിലും നിങ്ങൾക്ക് പോവേണ്ട ആവശ്യമില്ല, ഒലീവെണ്ണ നിങ്ങളെ സഹായിക്കും. ഷാമ്പൂ ഉപയോഗിക്കുമ്പോൾ അതിനുശേഷം അൽപം ഒലീവെണ്ണയും മുടിയിലുടനീളം ഉപയോഗിക്കാവുന്നതാണ്.

മസ്റ്റാർഡ് ഓയിൽ

പാചക എണ്ണകളിൽ ഏറ്റവും ഉത്തമമായ മുടിസംരക്ഷണ ഉപാധിയാണ് മസ്റ്റാർഡ് ഓയിൽ. ആരോഗ്യകരമായ തഴച്ചുവളരുന്ന മുടിക്ക് സാധാരണമായി ഉപയോഗിക്കുന്ന എണ്ണയാണ് മസ്റ്റാർഡ് ഓയിൽ. സെലേനിയം, സിങ്ക് എന്നിവ പോലുള്ള മിനറലുകൾ ധാരാളം ഈ എണ്ണയിലുണ്ട്. വിറ്റാമിൻ എ, ഡി, ഇ, കെ എന്നിവ ധാരാളമായുള്ള ഓയിലാണ് ഇത്.

ആല്‍മണ്ട്‌ ഓയിൽ

ആല്‍മണ്ട്‌ ഓയിൽ ഉത്തമമായ ഒരു കേശസംരക്ഷണ ഉപാധിയാണ്. തലയോട്ടിയിൽ അൽമോണ്ട് ഓയിൽ തേച്ച ശേഷം വട്ടം തിരുമ്മുക. കുറച്ചു സമയം കഴിഞ്ഞു കഴുകി കളയുക ദിവസവും സ്ഥിരമായി ഇങ്ങനെ ഉപയോഗിച്ചാൽ മുടി തഴച്ചും സുന്ദരമായും വളരും.

സൂര്യകാന്തി എണ്ണ

കുഴഞ്ഞുകിടക്കുന്ന മുടിയെ സുന്ദരമാക്കി മാറ്റാൻ ഏറ്റവും ഉത്തമമാണ് സൂര്യകാന്തി എണ്ണ. മുടിവളർച്ചയെ ഉത്തേജിപ്പിക്കുകയും മുടികൊഴിച്ചിൽ തടയുകയും ചെയ്യുന്നതാണ് ഈ എണ്ണ. വെളിച്ചെണ്ണ കഴിഞ്ഞാൽ ഏറ്റവും കൂടുതൽ പേർ ആശ്രയിക്കുന്ന എണ്ണയാണ് സൂര്യകാന്തി എണ്ണ.

കനോല എണ്ണ

വരണ്ട മുടിയാണ് നിങ്ങൾക്കുള്ളതെങ്കിൽ ഏറ്റവും ഉത്തമം കനോല എണ്ണ ഉപയോഗിക്കലാണ്. പരുപരുത്തതും പൊട്ടിയതുമായ മുടിയെ മൃദുലവും തിളങ്ങുന്നതുമാക്കാൻ ഈ എണ്ണ ഉത്തമമാണ്. പൊട്ടിയ മുടിത്തുമ്പുകളെ മൃദുവാക്കുമെന്ന് മാത്രമല്ല പിന്നീട് വരാവുന്ന കേടുപാടുകളിൽ നിന്നും മുടിയെ സംരക്ഷിക്കുന്നു.