മുടികൊഴിച്ചിലിന്‍റെ പ്രധാന കാരണങ്ങൾ

മുടി കൊഴിയുന്നുവോ, കാരണം?

ആധുനിക ജീവിത ശൈലിയുടെ സംഭാവനയായ മാനസിക സമ്മർദ്ദം തന്നെയാണ് മുടികൊഴിച്ചിലിന്‍റെ പ്രധാന കാരണം. വലിയൊരു ശതമാനം ചെറുപ്പക്കാരിലും മുടികൊഴിച്ചിലിന് കാരണമാവുന്നത് സമ്മർദ്ദം തന്നെയാണ്. പക്ഷെ സമ്മർദ്ദം മാത്രമാണ് കഷണ്ടിക്ക് കാരണം എന്ന് പറയാനാവില്ല.

മുടി കൊഴിയുന്നുവോ, കാരണം?

നിങ്ങളുടെ കുടുംബത്തിന്‍റെ പാരമ്പര്യവും നിങ്ങളുടെ കഷണ്ടിക്ക് കാരണമായേക്കാം. ഇത്തരം കഷണ്ടിക്ക് പരിഹാരമില്ല എന്നതാണ് യാഥാർത്ഥ്യം. ചിട്ടയായ ജീവിതശൈലി കൊണ്ടും ആഹാര രീതികൾ കൊണ്ടും ഒരു പരിധി വരെ അതിനെ തടഞ്ഞുനിർത്താം എന്നുമാത്രം.

മുടി കൊഴിയുന്നുവോ, കാരണം?

ചിലർക്കെങ്കിലും ദിവസേന ഹെയർ ഡ്രയർ ഉപയോഗിച്ച് മുടി ഉണക്കുന്ന ശീലമുണ്ട്. എന്നാൽ പഠനങ്ങൾ പറയുന്നത് ദിവസേന ഹെയർ ഡ്രയർ ഉപയോഗിക്കുന്നത് മുടികൊഴിച്ചിലിന് കാരണമാകുമെന്നാണ്. അതുപോലെ മുടി സ്ട്രൈറ്റൻ ചെയ്യുന്നതും ചുരുട്ടുന്നതുമൊക്കെ പരിധിവിടുകയാണെങ്കിൽ മുടി കൊഴിയാൻ സാധ്യതയുണ്ട്.

മുടി കൊഴിയുന്നുവോ, കാരണം?

ഗർഭകാലത്തും പ്രസവസമയത്തുമൊക്കെ ഉണ്ടാവുന്ന ഹോർമോണ്‍ വ്യതിയാനങ്ങൾ വലിയ രീതിയിൽ മുടി കൊഴിച്ചിലിന് കാരണമായേക്കാം. തൈറോയിഡ് ഗ്രന്ഥിയിലെ പ്രശ്നങ്ങൾ, ആർത്തവവിരാമം എന്നിവ മൂലമുണ്ടാകുന്ന ഹോർമോണ്‍ പ്രശ്നങ്ങളും മുടി കൊഴിച്ചിൽ രൂക്ഷമാക്കും.

മുടി കൊഴിയുന്നുവോ, കാരണം?

ഷാംപൂ, ഹെയർ കണ്ടീഷനറുകൾ, ഹെയർ ഓയിലുകൾ എന്നിവയിൽ മുടിക്ക് ദോഷം ചെയ്യുന്ന കെമിക്കലുകൾ വലിയ അളവിൽ അടങ്ങിയിട്ടുണ്ട്. ഇത് മുടിയുടെ അറ്റം പൊട്ടിപ്പോകുന്നതിനും മുടിയുടെ ബലം കുറക്കുന്നതിനുമൊക്കെ കാരണമാകും. കാലക്രമേണ അത് മുടികൊഴിച്ചിലിനും വഴിവെക്കും.

മുടി കൊഴിയുന്നുവോ, കാരണം?

സമയക്കുറവ് മൂലം ജങ്ക് ഫുഡ്‌ ശീലമാക്കുന്നത് പോഷകക്കുറവിന് കാരണമാകും. മുടിക്ക് വേണ്ട പോഷകങ്ങൾ കിട്ടാതെ വരുമ്പോൾ മുടികൊഴിച്ചിലും കഷണ്ടിയും സംഭവിക്കുന്നത് സ്വാഭാവികം. അതുപോലെ ക്രമം തെറ്റിയ ഭക്ഷണ രീതിയും മുടികൊഴിച്ചിലിന് കാരണമാകാം.

മുടി കൊഴിയുന്നുവോ, കാരണം?

ഓഫീസിലും വീട്ടിലുമുള്ള എയർ കണ്ടീഷണർ ശരീരത്തിന് സുഖം തരുന്നു എന്നത് യാഥാർത്ഥ്യമാണെങ്കിലും നിങ്ങളുടെ തലമുടിക്ക് അതത്ര നല്ലതല്ല. കാലാവസ്ഥയിലുണ്ടാകുന്ന എല്ലാ മാറ്റങ്ങളോടും പെട്ടന്ന് പ്രതികരിക്കുന്ന സ്വഭാവമാണ് തലമുടിക്കുള്ളത്. അതിനാൽ മുടിയുടെ ആരോഗ്യത്തിന് പ്രത്യേക ശ്രദ്ധ നൽകേണ്ടതുണ്ട്.

മുടി കൊഴിയുന്നുവോ, കാരണം?

പുരുഷന്മാരെ സംബന്ധിച്ച് സ്ത്രീകളുടെ മുടികൊഴിച്ചിൽ താരതമ്യേന കുറവും ഒരേ അനുപാതത്തിലുമായിരിക്കും. എന്നാൽ പുരുഷന്മാരിൽ മുടികൊഴുയുന്നത് തലയുടെ പല ഭാഗങ്ങളിലും പല രീതിയിലായിരിക്കും. അതുപോലെ ഓട്ടോ ഇമ്മ്യൂണ്‍ പ്രശ്നങ്ങൾ കൂടുതലായി ബാധിക്കുക പുരുഷന്മാരെ ആയിരിക്കും എന്നതിനാൽ പുരുഷന്മാരിൽ കഷണ്ടിയും കൂടുതലായി കണ്ടുവരുന്നു.

മുടി കൊഴിയുന്നുവോ, കാരണം?

ഉറക്കമില്ലായ്മ കണ്ണുകളിൽ മാത്രമല്ല നിങ്ങളുടെ തലയിലും പ്രതിഫലിക്കും. ഇൻസോംനിയ, നാർകോലെപ്സി തുടങ്ങിയ ഉറക്കസംബന്ധമായ പ്രശ്നങ്ങൾ വൻതോതിൽ മുടികൊഴിച്ചിലിനും കഷണ്ടിക്കും കാരണമാകുന്നുണ്ടെന്നാണ് പഠനങ്ങൾ പറയുന്നത്.

മുടി കൊഴിയുന്നുവോ, കാരണം?

ചില മരുന്നുകളുടെ അമിതമായ ഉപയോഗവും മറ്റും മുടികൊഴിച്ചിലുണ്ടാക്കാൻ സാധ്യതയുണ്ട്. അതുപോലെ കീമോതെറാപ്പി പോലുള്ള ചികിത്സകൾ വലിയ രീതിയിൽ മുടികൊഴിയുന്നതിനും കഷണ്ടിക്കും കാരണമാകും.