കേശസംരക്ഷണത്തിന് വിത്തുകള്‍

1. ഉലുവ

ഉലുവ മികച്ച ഒരു കേശസംരക്ഷണോപാധിയാണ്. വീട്ടില്‍ തന്നെ ചെയ്യാവുന്ന ചെലവ് കുറഞ്ഞ പരിപാടിയാണ് ഉലുവ ഉപയോഗിച്ചുള്ള കേശ സംരക്ഷണം. ഉലുവ ഉപയോഗിച്ച് സ്വഭാവിക ഹെയര്‍ കെയര്‍ പായ്ക്ക് തയ്യാറാക്കാം. ഇത് മുടിക്ക് കരുത്തുനല്കുകയും, കൊഴിച്ചില്‍ തടയുകയും ചെയ്യുന്നു.

2. എള്ള്

മുടിസംരക്ഷണത്തിന് ഏറെ അനുയോജ്യമായ ഒന്നാണ് എള്ള്. പണ്ടുമുതലേ ഈ ആവശ്യത്തിനായി എള്ള് ഉപയോഗിക്കപ്പെട്ടുവരുന്നു. തലമുടിയുടെ നരപ്പ് മാറാന്‍ സഹായിക്കുന്ന ഏക വിത്താണിത്. ദിവസവും ഓരോ സ്പൂണ്‍ എള്ള് വീതം രണ്ട്,മൂന്ന് മാസത്തേക്ക് തുടര്‍ച്ചയായി കഴിക്കുക. വലിയ വ്യത്യാസം നിങ്ങള്‍ക്ക് കാണാനാകും. എള്ള് ഉപയോഗിച്ച് ഹെയര്‍ പായ്ക്കും തയ്യാറാക്കാം.

3. വേപ്പ്

വേപ്പിനെക്കുറിച്ച് ചിന്തിക്കുമ്പോള്‍ ആദ്യം മനസില്‍ വരുക അതിന്‍റെ കമര്‍പ്പ് രുചിയായിരിക്കും. എന്നിരുന്നാലും വേപ്പിന്‍റെ ഔഷധഗുണങ്ങള്‍ ഏറെയുണ്ട്. തലമുടി സംരക്ഷണത്തിന് ഏറെ അനുയോജ്യമാണ് വേപ്പെണ്ണ. തലയോട്ടിയില്‍ പ്രവര്‍ത്തിച്ച് മുടിക്ക് അത്ഭുതാവഹമായ പുഷ്ടി നല്കാന്‍ വേപ്പെണ്ണയ്ക്കാവും.

4. മാതളനാരകം

സ്വാദിഷ്ടമായ ഫലമാണ് മാതളനാകരകം. അതോടൊപ്പം ഏറെ പോഷകഗുണങ്ങളും ഇതില്‍ അടങ്ങിയിരിക്കുന്നു. മുടിവളര്‍ച്ചയെ സഹായിക്കുന്ന ഏറെ പോഷകങ്ങള്‍ മാതളനാരങ്ങയുടെ കുരുക്കളിലുണ്ട്. മുടിയിലെ ജലാംശം നിലനിര്‍ത്താന്‍ ഇത് സഹായിക്കും. ബദാം ഓയില്‍, ജൊജോബ ഓയില്‍ എന്നിവയുമായി ചേര്‍ത്ത് ഉപയോഗിച്ചാല്‍ കൂടുതല്‍ ഫലപ്രദമാകും. മാതളനാരകനീരുപയോഗിച്ച് ഹെയര്‍ പായ്ക്കും ചെയ്യാം.

5. മുന്തിരിക്കുരു

മുടി സംരക്ഷണത്തിന് ഉത്തമമായതാണ് മുന്തിരിക്കുരു എണ്ണ. ചിലവ് കുറഞ്ഞ ഈ എണ്ണ ഉപയോഗിച്ചാല്‍ മുടിയുടെ നനവ് നിലനിര്‍‌ത്താനാവും. ചൂടാക്കിയും മുന്തിരിക്കുരു എണ്ണ ഉപയോഗിക്കാവുന്നതാണ്.

6. ക്രാന്‍ബെറി

പണ്ടുകാലം മുതലേ ക്രാന്‍ബെറി കേശസംരക്ഷണത്തിനായി ഉപയോഗിച്ചുവരുന്നു. മുടിക്ക് നനവ് നല്കാനും, തലയോട്ടി വരണ്ടുപോകുന്നത് തടയാനും ഇത് ഉത്തമമാണ്. മുടിയുടെ ആരോഗ്യത്തിന് ഏറെ പ്രശ്നങ്ങളുണ്ടാക്കുന്നതാണ് തലയോട്ടിലെ വരള്‍ച്ച. ഇത് പരിഹരിച്ചാല്‍ കേശസംബന്ധമായ ഏറെ പ്രശ്നങ്ങള്‍ക്ക് അറുതി നല്കാനാവും.