പുരുഷന്മാര്‍ക്കും പ്രകൃതിദത്ത ഹെയര്‍ കണ്ടീഷണറുകള്‍

അവോക്കാഡോ

അവോക്കാഡോ അഥവാ ബട്ടര്‍ ഫ്രൂട്ട് പാലുമായി ചേര്‍ത്തരയ്ക്കുക. ഇത് ഷാംപൂ ചെയ്ത ശേഷം മുടിയില്‍ കണ്ടീഷണറിനു പകരം ഉപയോഗിക്കാം. ഇത് തലയില്‍ തേച്ചു പിടിപ്പിച്ച് 10 മിനിറ്റു കഴിഞ്ഞ് കഴുകിക്കളയാം.

ആപ്പിള്‍ സിഡെര്‍ വിനെഗര്‍

ആപ്പിള്‍ സിഡെര്‍ വിനെഗറും നല്ലൊരു കണ്ടീഷണര്‍ തന്നെയാണ്. ഇത് മുടി കെട്ടു പിണയാതിരിക്കാനും സഹായിക്കും.

ഷിയ ബട്ടര്‍

മുടി വേരുകളെ ബലപ്പെടുന്ന ഒന്നാണ് ഷിയ ബട്ടര്‍. ഇത് മുടിയില്‍ തേച്ചു പിടിപ്പിച്ചു മസാജ് ചെയ്യാം.

മുട്ട വെള്ള

മുട്ട വെള്ള നല്ലൊരു ഹെയര്‍ കണ്ടീഷണറിന്റെ ഗുണം ചെയ്യും. ഇത് തലയില്‍ തേച്ചു പിടിപ്പിച്ച് അല്‍പം കഴിഞ്ഞ് കഴുകിക്കളയാം.

ചുരയ്ക്ക

ചുരയ്ക്കയുടെ നീരും നല്ലൊരു ഹെയര്‍ കണ്ടീഷണര്‍ തന്നെയാണ്. ഇത് മുടിയില്‍ തേച്ചു പിടിപ്പിച്ചു കഴുകിക്കളയണം.

തേന്‍

തേന്‍ നല്ലൊരു കണ്ടീഷണറാണ്. മുടിയില്‍ ഇത് പുരട്ടുന്നത് മുടിയ്ക്ക് തിളക്കവും മൃദുത്വവും നല്‍കും.

ബേക്കിംഗ് സോഡ

അല്‍പം ബേക്കിംഗ് സോഡ വെള്ളത്തില്‍ കലര്‍ത്തി മുടിയില്‍ തേയ്ക്കുന്നത് നല്ലൊരു കണ്ടീഷണറിനു തുല്യമാണ്.

തൈര്

തൈര് നല്ലൊരു പ്രകൃതിദത്ത കണ്ടീഷണറാണ്. പ്രത്യേകിച്ച് താരനുള്ളവര്‍ക്ക് ഉപയോഗിക്കുവാന്‍ പറ്റിയ നല്ലൊന്നാന്തരം കണ്ടീഷണറാണിത്.

ഒലീവ് ഓയില്‍

വരണ്ട മുടിയില്‍ ഉപയോഗിക്കുവാന്‍ പറ്റിയ ഒരു കണ്ടീഷണറാണ് ഒലീവ് ഓയില്‍. ഇത് മുടിവളര്‍ച്ചയ്ക്കും മുടിയ്ക്കു തിളക്കം നല്‍കാനും നല്ലതാണ്.

പഴം

പഴുത്ത പഴമുടച്ച് തലയില്‍ തേയ്ക്കുന്നത് പുരുഷന്മാര്‍ക്കു പറ്റിയ മറ്റൊരു ഹെയര്‍ കണ്ടീഷണറാണ്.