മുടികൊഴിച്ചില്‍ തടയാന്‍ ഉലുവ

ഉലുവ

ഉലുവ വെള്ളത്തില്‍ കുതിര്‍ത്ത് അരച്ച് തലയില്‍ തേയ്ക്കാം. മുടി നനച്ച ശേഷമാണ് ഇത് തേയ്‌ക്കേണ്ടത്. ഇത് അരമണിക്കൂര്‍ തലയില്‍ വച്ച ശേഷം തണുത്ത വെള്ളമുപയോഗിച്ചു കഴുകിക്കളയാം.

ഉലുവ വെള്ളം

ഉലുവ വെള്ളത്തിലിട്ടു തിളപ്പിയ്ക്കുക. ഉലുവ വെള്ളം തണുത്ത ശേഷം തലയില്‍ തേച്ചു പിടിപ്പിയ്ക്കാം. അല്‍പം കഴിഞ്ഞ് കഴുകിക്കളയുകയുമാകാം. ഇതിലെ ലെസിത്തിന്‍ മുടിയെ ശക്തിപ്പെടുത്തുന്നു.

ഉലുവ, വെളിച്ചെണ്ണ

ഉലുവ പൊടിച്ചത് വെളിച്ചെണ്ണയില്‍ കലര്‍ത്തി തലയില്‍ തേച്ചു പിടിപ്പിയ്ക്കാം. അല്‍പം കഴിഞ്ഞു കഴുകുക. ശിരോചര്‍മത്തിന്റെ വരള്‍ച്ച ഒഴിവാക്കാനുള്ള ഒരു വഴിയാണിത്.

ചെറുനാരങ്ങാനീര്, ഉലുവാപൗഡര്‍, തൈര്

ചെറുനാരങ്ങാനീര്, ഉലുവാപൗഡര്‍, തൈര് എന്നിവ ചേര്‍ത്ത് തലയോട്ടിയില്‍ തേച്ചു പിടിപ്പിയ്ക്കുക. ഇത് അല്‍പസമയം കഴിഞ്ഞു കഴുകിക്കളയാം.

പാലില്‍

ഉലുവ അരച്ചു പാലില്‍ കലക്കി മുടിയില്‍ തേയ്ക്കുന്നതും നല്ലതാണ്. ഇത് മുടി കൊഴിച്ചില്‍ ഒഴിവാക്കാന്‍ സഹായിക്കും.

നെല്ലിക്കാപ്പൊടി, ഉലുവ

നെല്ലിക്കാപ്പൊടി, ഉലുവ എന്നിവ ചേര്‍ത്ത് തലയില്‍ തേയ്ക്കാനുള്ള ഹെയര്‍ പായ്ക്കുണ്ടാക്കാം. മുടി കൊഴിച്ചില്‍ തടയുന്നതിനും മുടി വളരുന്നതിനും നര ഒഴിവാക്കുന്നതിനും ചേര്‍ന്ന ഹെയര്‍പായ്ക്കാണിത്.

ചെറുനാരങ്ങാനീരും ഉലുവപ്പൊടിയും

ചെറുനാരങ്ങാനീരും ഉലുവപ്പൊടിയും ചേര്‍ത്ത് തലയില്‍ തേയ്ക്കാം.