പിളരുന്ന മുടിത്തുമ്പിനു പരിഹാരം

Published: Tuesday, September 3, 2013, 15:04 [IST]

മുടിയ്ക്കുണ്ടാകുന്ന പ്രശ്‌നങ്ങളില്‍ പ്രധാനപ്പെട്ട ഒന്നാണ് മുടിത്തുമ്പു പിളരുന്നത്. മുടിവളര്‍ച്ചയെ ബാധിയ്ക്കുക മാത്രമല്ല, മുടിയുടെ ഭംഗി കളയുകയും കൂടി ചെയ്യുന്ന ഒരു പ്രശ്‌നമാണിത്.

മുടിത്തുമ്പു പിളരുന്നതിന് പൊതുവെ പറഞ്ഞു കേള്‍ക്കാറുള്ളൊരു പരിഹാരം മുടിയുടെ തുമ്പ് ഇടയ്ക്കിടെ വെട്ടിക്കളയുകയെന്നതാണ്. ഇതല്ലാതെയും മുടിയുടെ തുമ്പു പിളരുന്നതിന് ചെയ്യാവുന്ന ചില പരിഹാരങ്ങളുണ്ട്.

പപ്പായ

പപ്പായ കൊണ്ടുള്ള ഹെയര്‍ പായ്ക്ക് മുടിത്തുമ്പു പിളരുന്നതു തടയാനുള്ള നല്ലൊരു വഴിയാണ്. പപ്പായ ഉടച്ച് തൈരില്‍ കലര്‍ത്തി മുടിത്തുമ്പു മൂടുന്ന വിധത്തില്‍ പുരട്ടുക. ഇത് അല്‍പം കഴിഞ്ഞ് കഴുകിക്കളയാം.

പാല്‍പ്പാട

പാല്‍പ്പാട അല്‍പം പാലില്‍ നല്ലപോലെ കലക്കി മുടിത്തുമ്പിലും ശിരോചര്‍മത്തിലും തേച്ചു പിടിപ്പിയ്ക്കുക. ഇത് 15 മിനിറ്റു കഴിഞ്ഞ് കഴുകിക്കളയാം.

ആവണെക്കെണ്ണ, ബദാം ഓയില്‍, ഒലീവ് ഓയില്‍

ആവണെക്കെണ്ണ, ബദാം ഓയില്‍, ഒലീവ് ഓയില്‍ എന്നിവ തുല്യഅളവില്‍ യോജിപ്പിച്ച് മുടിയില്‍ പുരട്ടുക. മുടി ചൂടുവെള്ളത്തില്‍ മുക്കിപ്പിഴിഞ്ഞ ഒരു ടവര്‍ കൊണ്ടു പൊതിഞ്ഞു കെട്ടുക. അല്‍പം കഴിഞ്ഞ് തല കഴുകാം.

ബിയര്‍

അല്‍പം ബിയര്‍ മുടിത്തുമ്പുള്‍പ്പെടെയുള്ള മുടിയില്‍ തേച്ചു പിടിപ്പിയ്ക്കുക. അല്‍പം കഴിഞ്ഞ് കഴുകിക്കളയാം. മുടിത്തുമ്പു പിളരാതിരിക്കാനും മുടിയ്ക്ക നല്ലൊരു കണ്ടീഷണറിന്റെ ഗുണം ലഭിയ്ക്കാനും ഇത് സഹായിക്കും.

മുട്ടയുടെ മഞ്ഞ

മുട്ടയുടെ മഞ്ഞയില്‍ അല്‍പം ബദാം ഒായില്‍ കലര്‍ത്തി മുടിയില്‍ തേച്ചു പിടിപ്പിയ്ക്കുക. ഇത് ഒരു മണിക്കൂര്‍ കഴിഞ്ഞ് ഷാംപൂ ഉപയോഗിച്ചു കഴുകിക്കളയാം.

കറുത്ത പയറും ഉഴുന്നുപരിപ്പും

അര കപ്പ് കറുത്ത പയറും അല്‍പം ഉഴുന്നുപരിപ്പും വെള്ളത്തിലിട്ടു കുതിര്‍ത്തുക. ഇത് തൈരില്‍ കലക്കി മുടിയില്‍ തേച്ചു പിടിപ്പിയ്ക്കാം. അല്‍പം കഴിഞ്ഞ് കഴുകിക്കളയാം.