ഹെയര്‍ എക്‌സന്‍ഷനുകളുടെ സംരക്ഷണത്തിന്

മുടി സൗന്ദര്യത്തിന് മാറ്റു കൂട്ടുന്ന ഒരു ഘടകമാണ്. മുടിയുടെ സൗന്ദര്യത്തിന് പല വഴികളുമുണ്ട്. മുടിയില്‍ ചെയ്യാവുന്ന ഫാഷനുകളും പലതാണ്.

മുടി നീട്ടുക, മുടി കളര്‍ ചെയ്യുക, വിവിധ ഫാഷനുകളിലെ ഹെയര്‍ കട്ട് തുടങ്ങിയവ മുടിയുടെ കാര്യത്തിലെ പുതിയ ഫാഷനുകളാണ്.

ഹെയര്‍ എക്സ്റ്റന്‍ഷനുകള്‍ ഇപ്പോഴത്തെ ഫാഷനാണ്. മുടിയില്‍ വച്ചു പിടിപ്പിയ്ക്കുന്ന മുടിയുടെ രൂപത്തിലുള്ളവയാണിവ. മുടിയില്ലാത്തവര്‍ക്കും ഇതൊരു സഹായമാണ്.

ഹെയര്‍ എക്‌സറ്റന്‍ഷനുകള്‍ തലയില്‍ വയ്ക്കുമ്പോള്‍ ഇത് സംരക്ഷിയ്ക്കുന്ന കാര്യത്തിലും ശ്രദ്ധ വേണം.

ഹെയര്‍ എക്‌സ്റ്റന്‍ഷനുകള്‍ നല്ല രീതിയില്‍ ചീകി വൃത്തിയാക്കണം. ഇതിനായുള്ള പ്രത്യേക തരം ചീപ്പുകള്‍ ഉപയോഗിയ്ക്കുന്നതാണ് നല്ലത്.

ഇവ കഴുകുമ്പോള്‍ പ്രത്യേക ശ്രദ്ധ വേണം. ഇവ തലയില്‍ വച്ചു തന്നെ തല കഴുകാം. എന്നാല്‍ വളരെ മൃദുവായി തല കഴുകുവാന്‍ ശ്രദ്ധിയ്ക്കണം. മുടി ജട പിടിയ്ക്കാതിരിയ്ക്കാനും ശ്രദ്ധിയ്ക്കണം.

മുടിയില്‍ കണ്ടീഷണറുകള്‍ തേയ്ക്കുമ്പോള്‍ ഇവ മുടിയുടെ വേരുകളില്‍ അധികം ആകാതെ ശ്രദ്ധിയ്ക്കുക. ഇത് ഹെയര്‍ എക്‌സന്‍ഷനുകള്‍ ദുര്‍ബലമാക്കും.

മുടി സ്വാഭാവിക രീതിയില്‍ ഉണക്കുന്നതാണ് നല്ലത്. ആര്‍ട്ടിഫ്യല്‍ ഡ്രയറുകള്‍ ഉപയോഗിക്കാതിരിയ്ക്കുക.

വളരെ മൃദുവായ രീതിയില്‍ ഹെയര്‍ എക്‌സന്‍ഷനുകള്‍ കൈകാര്യം ചെയ്യണം.അല്ലെങ്കില്‍ ഇവ പെട്ടെന്നു തന്നെ കേടാകും.