നീന്തുമ്പോഴുള്ള മുടി സംരക്ഷണം

നീന്തുന്നത് നല്ലൊരു കായികാധ്വാനമാണ്. ശരീരത്തിന്റെ എല്ലാ ഭാഗങ്ങളിലേയ്ക്കും ഒരുപോലെ ചേര്‍ന്ന ഒരു വ്യയാമമെന്നു വേണമെങ്കില്‍ പറയാം.

നല്ല ശുദ്ധമായ വെള്ളത്തില്‍ നീന്തുന്നത് ചര്‍മത്തിനും മുടിയ്ക്കും ദോഷമുണ്ടാക്കില്ല. എന്നാല്‍ ഇപ്പോഴത്തെ സ്വിമ്മിംഗ് പൂളുകളില്‍ മിക്കവാറും ക്ലോറിന്‍ വെള്ളമാണ് ഉപയോഗിക്കാറ്. ഇത് മുടിയ്ക്കു നല്ലതുമല്ല.

ഇത്തരം വെള്ളത്തില്‍ നീന്തുന്നത് ചര്‍മത്തിലും മുടിയ്ക്കും ദോഷകരമാകാതിരിയ്ക്കാന്‍ ചില കാര്യങ്ങള്‍ ശ്രദ്ധിയക്കുന്നത് നന്നായിരിയ്ക്കും.

നീന്താനിറങ്ങുന്നതിനു മുന്‍പ് മുടി കഴുകുന്നത് നല്ലതാണ്. എന്നാല്‍ ഷാംപൂ പോലുള്ളവ ഉപയോഗിക്കുകയുമരുത്.

മുടി മുഴുവന്‍ മൂടുന്ന വിധത്തിലുള്ള സ്വിമ്മിംഗ് ക്യാപ്പുകള്‍ ഉപയോഗിയ്ക്കുക. ഇത് ധരിയ്ക്കുമ്പോവും ഊരി മാറ്റുമ്പോഴുമെല്ലാം മുടി ഇതില്‍ പെടാതിരിയ്ക്കാന്‍ ശ്രദ്ധിയ്ക്കുകയും വേണം.

നീന്തിയ ശേഷം മുടി നല്ല വെള്ളത്തില്‍ കഴുകേണ്ടത് വളരെ പ്രധാനമാണ്. അധികം വീര്യമില്ലാത്ത ഷാംപൂ ഉപയോഗിക്കുക.

നീന്തുന്നത് മുടിയെ വരണ്ടതാക്കും. ഇതിനു പുറമെ ഷാംപൂവിന്റെ ഉപയോഗവും. ഷാംപൂ ചെയ്ത ശേഷം മുടി കണ്ടീഷണര്‍ പുരട്ടി വൃത്തിയാക്കേണ്ടതും വളരെ പ്രധാനമാണ്.

മുടിയില്‍ സ്വാഭാവിക ഉല്‍പന്നങ്ങള്‍ ഉപയോഗിച്ചുള്ള ഹെയര്‍ പായ്ക്കുകളും ഗുണം ചെയ്യും.