മുടി കൊഴിച്ചില്‍ തടയാന്‍ യൂക്കാലിപ്റ്റിസ് തൈലം

യൂക്കാലിപ്സ്റ്റിസ് തൈലം സാധാരണ ജലദോഷത്തിനുള്ള മരുന്നായി ഉപയോഗിക്കാറുണ്ട്. എന്നാല്‍ മുടി കൊഴിച്ചില്‍ തടയുന്നതിനും ഇത് ഉപയോഗിക്കാം.

ഇതിന് ബാക്ടീരിയ, ഫംഗസ് എന്നിവയെ പ്രതിരോധിക്കാനുള്ള കഴിവുണ്ട്. ഇതുകൊണ്ടു തന്നെ താരന്‍ പോലുള്ള പ്രശ്‌നങ്ങള്‍ക്ക് വളരെ ഉപകാരപ്രദവുമാണ്.

മുടി കൊഴിച്ചില്‍ തടയാനും ശിരോചര്‍മം വൃത്തിയാക്കി വയ്ക്കാനും ദിവസവും രാത്രി യൂക്കാലി തൈലം കൊണ്ടു മസാജ് ചെയ്യുന്നത് നല്ലതാണ്. ഈ തൈലം ചൂടാക്കി തലയോടില്‍ മസാജ് ചെയ്യുക. രാത്രി മുഴുവന്‍ ഇത് തലയില്‍ വയ്ക്കാം. മുടി വളര്‍ച്ചയ്ക്കു മാത്രമല്ല, മുടി മൃദുവാകാനും ഇത് സഹായിക്കും.

യൂക്കാലി, ബദാം ഓയില്‍ ഒരുമിച്ചു കലര്‍ത്തി ചൂടാക്കി തലയോടില്‍ തേച്ചു പിടിപ്പിക്കാം. ഇത് മുടി കൊഴിച്ചില്‍ തടയും. മുടിവളര്‍ച്ചയെ സഹായിക്കുകയും ചെയ്യും.

യൂക്കാലി തൈലം, റോസ്‌മേരി ഓയില്‍, ആവണെക്കെണ്ണ എന്നിവ ചേര്‍ത്ത് ചൂടാക്കി തലയില്‍ തേച്ചു പിടിപ്പിക്കുന്നതും ഗുണം ചെയ്യും.

യൂക്കാലിപ്റ്റിസ് തൈലം, റോസ്‌മേരി ഓയില്‍ എന്നിവ ചേര്‍ത്ത് തലയില്‍ തേച്ചു പിടിപ്പിക്കുന്നതും ഗുണം ചെയ്യും.

ചെമ്പരത്തിയില അരച്ച് ഇതില്‍ യൂക്കാലിപ്റ്റിസ് തൈലം ചേര്‍ത്ത് തലയില്‍ പുരട്ടാം. ഇത് ഗുണം നല്‍കുന്ന ഒന്നാണ്. ഈ മിശ്രിതം തലയില്‍ തേച്ചു പിടിപ്പിച്ച് അര മണിക്കൂര്‍ കഴിയുമ്പോള്‍ കഴുകിക്കളയണം.