താരനകറ്റും വഴികള്‍

1. വെളിച്ചെണ്ണ

വെളിച്ചെണ്ണ നേരിട്ടല്ലാതെ ചൂടാക്കി അതില്‍ രണ്ട് സ്പൂണ്‍ നാരങ്ങ നീരൊഴിച്ച് തലയോട്ടിയില്‍ തേച്ച് പിടിപ്പിക്കുക. പതിനഞ്ച് മിനുട്ടിന് ശേഷം ഷാംപൂ ഉപയോഗിച്ച് ഇത് കഴുകിക്കളയാം. ആഴ്ചയില്‍ 2-4 തവണ ഇത് ചെയ്യുക വഴി താരന്‍ സാവധാനത്തില്‍ അകറ്റാനാവും.

2. ഹാസെല്‍ ഓയില്‍

നേരിട്ടല്ലാതെ ചൂടാക്കിയ ഓയില്‍ ഒരു സ്പൂണ്‍ എടുത്ത് അതില്‍ ഒരു ടേബിള്‍ സ്പൂണ്‍ നാരങ്ങനീര് ചേര്‍ക്കുക. ഇത് തലയോട്ടിയില്‍ വൃത്താകൃതിയില്‍ മസാജ് ചെയ്യുക. ഇരുപത് മിനുട്ടിന് ശേഷം ഇത് കഴുകിക്കളയാം. നാരങ്ങ നേരിട്ട് തലയില്‍ തേക്കുന്നതും താരന് ശമനം നല്കും.

3. വിനാഗിരി

4 ടേബിള്‍സപൂണ്‍ ആപ്പിള്‍ സിഡെര്‍ വിനാഗിരി 2 ടേബിള്‍ സ്പൂണ്‍ നാരങ്ങ നീരുമായി യോജിപ്പിച്ച് ചൂടാക്കാതെ ഒരു കോട്ടണ്‍ബോള്‍ ഉപയോഗിച്ച് തലയില്‍ തേക്കുക. പതിവായി ഇങ്ങനെ ചെയ്താല്‍ താരന്‍ മാറും.

4. തൈരും തേനും

തൈര്, തേന്‍, നാരങ്ങ നീര് എന്നിവ കൂട്ടിക്കലര്‍ത്തി ഉപയോഗിച്ചാല്‍ താരന് ശമനം ലഭിക്കും. ഇത് തേച്ച് 20 മിനുട്ട് കഴിഞ്ഞ് തല കഴുകാം. ആഴ്ചയില്‍ 2-3 തവണ ഇത് ചെയ്യാം.

5. ചായ

താരന് മികച്ച ഒരു പ്രതിവിധിയാണ് ചായ. അരകപ്പ് വെള്ളത്തില്‍ രണ്ട് സപൂണ്‍ തേയിലയിട്ട് അടച്ച് വെച്ച് തിളപ്പിക്കുക. ഇതില്‍ 1 ടീ സ്പൂണ്‍ നാരങ്ങനീര് ചേര്‍ക്കുക. ഇത് ചൂടോടെ ഒരു കോട്ടണ്‍ ബോള്‍ ഉപയോഗിച്ച് തലയോട്ടിയില്‍ തേച്ച് പിടിപ്പിച്ച് 15 മിനുട്ട് കഴിഞ്ഞ് ഒഴുക്കുള്ള വെള്ളത്തില്‍ കഴുകിക്കളയാം.

6. ചൂടാക്കിയ ഓയില്‍

ചൂടാക്കിയ ആവണക്കെണ്ണയും വെളിച്ചെണ്ണയും നാരങ്ങ നീരും 1-2-1 ടേബിള്‍ സ്പൂണ്‍ എന്ന അളവിലെടുത്ത് വൃത്താകൃതിയില്‍ തലയോട്ടിയില്‍ മസാജ് ചെയ്യുക. ശേഷം നനഞ്ഞ ടവ്വല്‍ കൊണ്ട് 20 മിനുട്ട് മൂടുക. മികച്ച ഫലം ലഭിക്കും.

7. മൈലാഞ്ചി

നാല് സ്പൂണ്‍ നാരങ്ങനീര്, കാപ്പി, രണ്ട് പച്ചമുട്ട, ഒരു ടീസ്പൂണ്‍ ഉലുവ എന്നിവയും തേയിലയെണ്ണയും മൈലാഞ്ചി പൊടിയില്‍ ചേര്‍ത്ത് കട്ടിയുള്ള പേസ്റ്റ് രൂപത്തിലാക്കുക. ഇത് തലയില്‍ തേച്ച് ഒരു മണിക്കൂറിന് ശേഷം കഴുകിക്കളയാം.