മുടിയുടെ നര മറയ്ക്കാം

Hair Care

oi-Saritha

By Veena

Published: Friday, January 20, 2012, 11:17 [IST]

മുടിക്കു നീളം പൊതുവെ കുറവായതു കൊണ്ട് ആണുങ്ങളുടെ തലയിലെ നര പുറത്തു കാണുവാന്‍ എളുപ്പമാണ്. കാരണങ്ങള്‍ പലതാവാം. ഹോ, ഇവന് ഇത്രയൊക്കെ വയസായോ എന്ന് മറ്റുള്ളവര്‍ക്ക് തോന്നലുണ്ടാക്കിക്കൊടുക്കേണ്ടല്ലോ. ചെറിയ ചില കാര്യങ്ങളില്‍ ശ്രദ്ധിച്ചാല്‍ ഈ നര മറ്റുള്ളവരുടെ കണ്ണില്‍ നിന്ന് മറച്ചു പിടിക്കാവുന്നതേയുള്ളൂ.

നരച്ച മുടി ഡൈ ചെയ്യുന്നത് സാധാരണ മാര്‍ഗം. ഇതിന് താല്‍പര്യമില്ലാത്തവരാണെങ്കില്‍ ഹെന്ന ചെയ്യുന്നത് നല്ലതാണ്. മുടിയുടെ ആരോഗ്യവും നന്നാവും.

നരച്ച മുടി ഇടയിലാണ് കൂടുതലെങ്കില്‍ മുടി മുകളിലേക്കു ചീകി വയ്കക്ുക. ഇടയിലെ മുടിയിലെ നര അത്രത്തോളം പുറത്തു കാണില്ല.

മുടി കളര്‍ ചെയ്യുന്നത് താല്‍പര്യമുള്ളവരാണെങ്കില്‍ ഈ മാര്‍ഗം സ്വീകരിക്കാം. ഒരു നിറം മാത്രം നല്‍കാതെ രണ്ടോ മൂന്നോ നിറങ്ങള്‍ കൂട്ടിക്കലര്‍ത്തി കൊടുക്കുന്നത് നരയെ ഒരു പരിധി വരെ മറ്റുള്ളവരില്‍ നിന്ന് മറച്ചു പിടിക്കാം.

വ്യത്യസ്തമായ ഹെയര്‍ സ്‌റ്റൈലുകള്‍ സ്വീകരിക്കുന്നതും മുടിയുടെ നര മറ്റുള്ളഴര്‍ ശ്രദ്ധിക്കാതിരിക്കാന്‍ സഹായിക്കും.

മുടി ഡേവിഡ് ബെക്കാം സ്റ്റൈലില്‍ വെട്ടി നോക്കൂ. തലയില്‍ അല്‍പം മാത്രം മുടി, മുന്നിലേക്ക് അല്‍പം ഉന്തി നില്‍ക്കുന്ന ഇത്തരം ഹെയര്‍ സ്റ്റൈല്‍ നര അധികം പുറത്തു കാണിക്കില്ല. ബസ് കട്ട് എന്നാണ് ഇത് അറിയപ്പെടുന്നത്. ഇതിനൊപ്പം ട്രിം ചെയ്ത ചെറിയ താടിയും നന്നായിരിക്കും.

മുടി ബോണ്ട് സ്‌റ്റൈലില്‍ വെട്ടുന്നതും നല്ലതാണ്. സമചതുരാകൃതിയോട് കൂടിയ മുടിയുള്ളവര്‍ക്ക് ഇത്തരം സ്‌റ്റൈല്‍ നല്ലപോലെ യോജിക്കും.

മുടിക്ക് അലസമായ ഹെയര്‍ സ്‌റ്റൈല്‍ സ്വീകിരിക്കുന്നതും നല്ലതാണ്. അലസഭംഗി എന്നു വേണമെങ്കില്‍ ഇത്തരം സ്റ്റൈലിനെ വിശദീകരിക്കാം. ചെറുപ്പക്കാര്‍ക്കിടയില്‍ ഇതിന് പ്രചാരവും ഏറെയാണ്. ഇത് നരയെ ഒരു പരിധി വരെ പുറത്തു കാണിക്കാതിരിക്കാന്‍ നല്ലതാണ്.