മുടി വളരാന്‍ ചില വഴികള്‍

മുടിയുടെ വളര്‍ച്ചയ്ക്കും പ്രശ്‌നങ്ങള്‍ തീര്‍ക്കുന്നതിനും കെരാട്ടിന്‍ എന്നൊരു പ്രോട്ടീന്‍ അത്യാവശ്യമാണ്. സോയ പോലുള്ള ഭക്ഷണങ്ങളില്‍ ഇത് ധാരാളം അടങ്ങിയിട്ടുണ്ട്.

ബദാമില്‍ അടങ്ങിയിട്ടുള്ള വൈറ്റമിന്‍ ഇ മുടി പെട്ടെന്നു വളരാന്‍ സഹായിക്കും. ഇതില്‍ ധാരാളം കാല്‍സ്യവും അടങ്ങിയിട്ടുണ്ട്. മുടി മൃദുവാക്കാന്‍ ബദാമിലെ ഒമേഗ ത്രീ ഫാറ്റി ആസിഡ് സഹായിക്കും.

വെറ്റമിന്‍ സി ചര്‍മസംരക്ഷണത്തിനെന്ന പോലെ മുടിവളര്‍ച്ചക്കും വളരെ അത്യാവശ്യമാണ്. ഇത് കൊളാജന്‍ ഉല്‍പാദനത്തെ സഹായിക്കുന്നു. കൊളാജന്‍ മുടി വളര്‍ച്ചയെ സഹായിക്കുകയും ചെയ്യും.

മുടിവളര്‍ച്ചയെ സഹായിക്കുന്ന മറ്റൊരു ഭക്ഷണമാണ് കടല. പ്രത്യേകിച്ച് വെള്ള കടല. ഇതില്‍ സിങ്ക് ധാരാളം അടങ്ങിയിട്ടുണ്ട്. ഇത് താരന്‍ മാറാനുള്ള ഒരു വഴി കൂടിയാണ്.

ഇലക്കറികളില്‍ മുടി വളര്‍ച്ചയെ സഹായിക്കുന്ന അയേണ്‍ ധാരാളമുണ്ട്. ഇവയിലെ വൈറ്റമിന്‍ എ, ഡി എന്നിവയും മുടിയ്ക്ക് നല്ലതു തന്നെ.

മുടി വളര്‍ച്ചയെ സഹായിക്കുന്ന മറ്റൊരു ഭക്ഷണമാണ് ചീസ്. ഇവയിലെ പോഷകാംശങ്ങള്‍ മുടിയ്ക്ക് കരുത്തു നല്‍കുന്നു.

ഓട്‌സും മുടിവളര്‍ച്ചയെ സഹായിക്കുന്ന ഭക്ഷണം തന്നെ. ഇതിലെ അയേണ്‍ ശരീരം പെട്ടെന്ന് ആഗിരണം ചെയ്യുന്നു. ഓട്‌സിലെ മഗ്നീഷ്യം, ഫോസ്ഫറസ് എന്നിവയും മുടിവളര്‍ച്ച ത്വരിതപ്പെടുത്തുന്നു.

വിടു കളയാത്ത അരിയും മുടി വളര്‍ച്ചയ്ക്ക് വളരെ നല്ലതാണ്. ഇതും ഭക്ഷണത്തില്‍ ഉള്‍പ്പെടുത്താം. ആരോഗ്യത്തിനും മുടിയ്്ക്കും ഒരുപോലെ സഹായിക്കുന്ന ഭക്ഷണമാണിത്.