ഹെന്ന ചെയ്ത് മുടി നര ഒഴിവാക്കാം

മുടി നരയ്ക്കുന്നത് ആര്‍ക്കും ഇഷ്ടമുള്ള ഒരു കാര്യമാവില്ല. പ്രായമാകുമ്പോള്‍ വരുന്ന നരയും അകാലനരയുമുണ്ട്. നര തടയാന്‍ നമുക്കു തന്നെ ചെയ്യാവുന്ന തികച്ചും പ്രകൃതിദത്തമായ ചില കാര്യങ്ങളുണ്ട്.

മുടി വളരുന്നത് ശിരോചര്‍മത്തിനടിയിലെ ചെറിയ അറകളില്‍ നിന്നാണ്. ഇവയില്‍ മെലാനില്‍ എന്ന പിഗ്മെന്റും ഉല്‍പാദിപ്പിക്കപ്പെടുന്നുണ്ട്. ഈ പിഗ്മെന്റാണ് മുടിക്ക് കറുപ്പുനിറം നല്‍കുന്നത്. ഇവയുടെ ഉല്‍പാദനം കുറയുമ്പോഴാണ് മുടിയുടെ കറുപ്പുനിറം കുറയുന്നതും നര ബാധിക്കുന്നതും.

തലയില്‍ ഹെന്ന ചെയ്യുന്നത് നര ഒഴിവാക്കാനുള്ള ഏറ്റവും നല്ല വഴിയാണ്. മയിലാഞ്ചിയില ഉണക്കിപ്പൊടിച്ചോ അരച്ചോ

കയ്യോന്നിയുടെ ഇല അരച്ച് ഇതില്‍ അമുക്കുരത്തിന്റെ (അശ്വഗന്ധ) വേര് അരച്ചുചേര്‍ത്ത് വെളിച്ചെണ്ണയില്‍ കലര്‍ത്തി തലയില്‍ തേക്കുന്നത് നല്ലതാണ്. അരമണിക്കൂര്‍ കഴിഞ്ഞ് ഇളം ചൂടുവെള്ളത്തില്‍ കഴുകിക്കളയാം. ഇത് മുടി കറുപ്പിക്കുക മാത്രമല്ലാ, നല്ലൊരു കണ്ടീഷണറിന്റെ ഗുണവും ചെയ്യുന്നുണ്ട്. മുടി വളരാന്‍ കയ്യോന്നി വളരെ നല്ലതാണ്.

കറ്റാര്‍ വാഴ, നെല്ലിക്ക, മയിലാഞ്ചി, ചെമ്പരത്തിയില എന്നിവ അരച്ച മിശ്രിതം തേച്ചാലും നര തടയാം. മുടി വളരുന്നതിനും മുടിക്ക് തിളക്കം വര്‍ദ്ധിപ്പിക്കുന്നതിനും ഇത് സഹായിക്കും.

ചെറിയ കുട്ടികളിലും ചിലപ്പോഴെങ്കിലും നര കാണാറുണ്ട്. ഇതിനുള്ള പരിഹാരം നാരുകളുള്ള ഭക്ഷണം കഴിയ്ക്കുക എന്നതാണ്.