താരന്‍ കളയാന്‍ എളുപ്പമാര്‍ഗങ്ങള്‍

Hair Care

oi-Saritha

By Veena

Published: Saturday, January 14, 2012, 13:00 [IST]

താരന്‍ മുടിയുടെ ആരോഗ്യം കളയുന്ന പ്രധാന വില്ലനാണ്. മുടി കൊഴിച്ചില്‍ മാത്രമല്ലാ, തലയില്‍ ചൊറിച്ചിലിനും പലവിധ ചര്‍മരോഗങ്ങള്‍ക്കും താരന്‍ വഴിവയ്ക്കും. താരന് പരിഹാരം കണ്ടില്ലെങ്കില്‍ ഇത് അധികമായി പുരികത്തിലെ രോമങ്ങള്‍ വരെ കൊഴിഞ്ഞു പോകുന്ന അവസ്ഥയുമുണ്ടാകും. താരന്‍ കളയാന്‍ വീട്ടില്‍ തന്നെ ചെയ്യാവുന്ന പരിഹാരമാര്‍ഗങ്ങളുണ്ട്.

ശിരോചര്‍മം വരണ്ടതാകുന്നതാണ് താരന്റെ പ്രധാന കാരണം. തണുപ്പുകാലത്ത് ചിലര്‍ കുളിക്കുമ്പോള്‍ തലയിലും ചൂടുവെള്ളമൊഴിക്കാറുണ്ട്. ഇത് തലയോട് കൂടുതല്‍ വരളുന്നതിനും താരന്‍ വരാനും കാരണമാകുന്നു. ചൂടുവെള്ളം തലയിലൊഴിക്കുന്നത് ഒഴിവാക്കണം. എന്നാല്‍ മുടിയില്‍ എണ്ണ പുരട്ടി മസാജ് ചെയ്ത ശേഷം ചൂടുവെള്ളതില്‍ പിഴിഞ്ഞ ടവല്‍ കൊണ്ട് മുടിയും തലയോടും പൊതിഞ്ഞു കെട്ടുന്നത് നല്ലതാണ്.

ഉലുവ വെള്ളത്തിലിട്ടു കുതിര്‍ത്ത് അരച്ച് ശിരോചര്‍മത്തില്‍ തേയ്ക്കുന്നത് നല്ലതാണ്. അരമണിക്കൂര്‍ വച്ച ശേഷം ഇത് ഷാംപൂ കൊണ്ട് കഴുകിക്കളയാം. ഉലുവ കുതിര്‍ത്താനുപയോഗിച്ച വെള്ളം തല കഴുകാനുമെടുക്കാം. ആദ്യത്തെ രണ്ടാഴ്ച ആഴ്ചയില്‍ രണ്ടുവീതവും പിന്നീട് രണ്ടാഴ്ച ആഴ്ചയില്‍ ഒരു തവണയും ഇത് ചെയ്താല്‍ താരന്‍ പോകും.

ചെറുനാരങ്ങാനീര് താരന്‍ കളയാനുള്ള ഫലപ്രദമായ മാര്‍ഗമാണ്. ചെറുനാരങ്ങാനീര് എണ്ണ ചൂടാക്കി അതില്‍ കലര്‍ത്തി ശിരോചര്‍മത്തില്‍ തേച്ചു പിടിപ്പിക്കാം. അല്ലെങ്കില്‍ ചെറുനാരങ്ങാനീര് തനിയെയും തേയ്ക്കാം. അല്‍പസമയം കഴിഞ്ഞ് കഴുകിക്കളയാം. ചെറുനാരങ്ങാനീരും ഫുള്ളേഴ്‌സ് എര്‍ത്തും കൂട്ടിക്കലര്‍ത്തി തലയില്‍ തേയ്ക്കുന്ന രീതിയും ഫലപ്രദമാണ്. ഇത് ആഴ്ചയില്‍ ഒരു തവണയെങ്കിലും ചെയ്യുക.

നല്ല പുളിച്ച തൈര് തലയോടില്‍ തേച്ചു പിടിപ്പിക്കുന്നതും നല്ലതാണ്. ഇത് ആഴ്ചയില്‍ രണ്ടുതവണയെങ്കിലും ചെയ്യണം.

സിഡാര്‍ വിനെഗര്‍ അത്രതന്നെ വെള്ളവുമായി ചേര്‍ത്ത് തലയില്‍ തേച്ചു പിടിപ്പിച്ച് അല്‍പസമയം കഴിയുമ്പോള്‍ കഴുകിക്കളയുന്നതും നല്ലതാണ്.

തലയില്‍ ഹെന്നയിടുന്നതും താരനകറ്റും.