മുടിയില്‍ എണ്ണ പുരട്ടിയാല്‍ കണ്ടീഷണര്‍ വേണ്ട

എണ്ണ തേക്കുന്നതു കൊണ്ടുള്ള പ്രധാന പ്രയോജനം താരന്‍ വരില്ലെന്നതു തന്നെയാണ്. ശിരോചര്‍മം വരളുമ്പോഴാണ് താരനുണ്ടാകുന്നത്. താരനുള്ളവരാണെങ്കില്‍ എണ്ണയില്‍ ചെറുനാരങ്ങാനീര് ചേര്‍ത്ത് മസാജ് ചെയ്യുന്നത് ഗുണം ചെയ്യും.

മുടിവളര്‍ച്ചയെ ഏറ്റവും സഹായിക്കുന്ന ഒരു ഘടകമാണ് ഹോട്ട് ഓയില്‍ മസാജ്. ചെറുചൂടുള്ള എണ്ണ തലയില്‍ പുരട്ടി മസാജ് ചെയ്യുന്നത് വളരെ നല്ലതാണ്.

എണ്ണ മുടിയില്‍ എങ്ങനെ തേയ്ക്കുന്നുവെന്നതും പ്രധാനമാണ്. മുടിയുടെ തുമ്പില്‍ എണ്ണ തേച്ചതു കൊണ്ട് പ്രത്യേകിച്ച് പ്രയോജനമില്ല. തലയോടിലാണ് എണ്ണ പുരട്ടേണ്ടത്. എണ്ണ പുരട്ടി അല്‍പനേരം കഴിഞ്ഞ് കഴുകിക്കളയുന്നതു കൊണ്ടേ പ്രയോജനമുണ്ടാവുകയുള്ളൂ.

എണ്ണ പുരട്ടി മുടി ചീകിയാല്‍ എണ്ണ തലയോടില്‍ എല്ലായിടത്തുമാകാന്‍ സഹായിക്കും.

മിക്കവാറും പേര്‍ക്ക് തലമുടിയില്‍ എണ്ണയുണ്ടാകുന്നത് അസ്വാസ്ഥ്യമുണ്ടാക്കും. പ്രത്യേകിച്ച് ടീനേജുകാര്‍ക്കും കുട്ടികള്‍ക്കും. ഇത്തരക്കാര്‍ക്ക് മുടിയില്‍ എണ്ണ പുരട്ടി മസാജ് ചെയ്ത് അല്‍പനേരം കഴിഞ്ഞ് ഷാംപൂ ഉപയോഗിച്ച് കഴുകിക്കളയാം. എണ്ണ പുരട്ടിയ മുടിയില്‍ ഷാംപൂ ചെയ്താല്‍ പിന്നെ കണ്ടീഷണര്‍ പുരട്ടേണ്ട ആവശ്യവുമില്ല.

വെളിച്ചെണ്ണ, ബദാം ഓയില്‍, ഒലീവ് ഓയില്‍ എന്നിവ ചേര്‍ത്ത് മുടിയില്‍ പുരട്ടുന്നത് നല്ലതാണ്. ആവണക്കെണ്ണ, ആയുര്‍വേദ എണ്ണകള്‍ തുടങ്ങിയവയും മുടിയില്‍ ഉപയോഗിക്കാം.