മുടിയില്‍ ആവി പിടിച്ചാലോ?

തലയിലെ സുഷിരങ്ങള്‍ തുറക്കുന്നതിന് ഏറ്റവും നല്ലതാണ് ആവി പിടിക്കുന്നത്. എണ്ണ തേക്കുന്നതിന് മുന്‍പ് ഇത് ചെയ്യന്നതാണ് നല്ലത്. ശിരോചര്‍മത്തിലെ സുഷിരങ്ങള്‍ അടഞ്ഞിരുന്നാല്‍ എണ്ണ തേക്കുന്നതിന്റെ ഗുണം ലഭിക്കില്ല. ഇത് മുടിയുടെ വേരുകളെ ബലപ്പെടുത്തും. മുടി കൊഴിച്ചില്‍ കുറയ്ക്കുകയും ചെയ്യും.

ശിരോചര്‍മം വൃത്തിയാക്കുന്നതിനും ആവി പിടിക്കുന്നത് നല്ലൊരു വഴിയാണ്. മുടി ദിവസം കഴുകിയാലും തലയോടിലുള്ള എല്ലാ അഴുക്കും നീക്കം ചെയ്യാനായെന്നു വരില്ല. പ്രത്യേകിച്ച് എണ്ണ സ്ഥിരം തേക്കുന്ന ശീലമുള്ളപ്പോള്‍. ദിവസവും മുടിയില്‍ ഷാംപൂ ഇടുന്നതും ആരോഗ്യകരമല്ല. മുടിയുടെ ആരോഗ്യം സംരക്ഷിച്ചുകൊണ്ടു തന്നെ മുടി വൃത്തിയാക്കാനുള്ള വഴിയാണ് ആവി പിടിക്കുന്നത്.

മുടി വളരാനുള്ള നല്ലൊരു വഴി കൂടിയാണിത്. മുടിയിലെ അഴുക്കായിരിക്കും മുടി വളരാത്തതിന്റെ ഒരു കാരണം. ഇത് മുടിയുടെ ആരോഗ്യത്തെ ദുര്‍ബലമാക്കും. ശിരോസുഷിരങ്ങള്‍ അടഞ്ഞാല്‍ മുടിയുടെ വളര്‍ച്ചയെ അത് ബാധിക്കുകയും ചെയ്യും. മുടിയില്‍ ആവി പിടിക്കുന്നത് ഇതിനൊരു പരിഹാരമാണ്.

വരണ്ട മുടിയുടെ ഈര്‍പ്പം നിലനിര്‍ത്താനുള്ള ഒരു വഴി കൂടിയാണ് ആവി പിടിക്കുന്നത്. മുടിയുടെ വരള്‍ച്ച മുടി കൊഴിച്ചിലിനുള്ള ഒരു കാരണമാണ്.