മുടി പറന്നു നില്‍ക്കുന്നോ?

Hair Care

oi-Saritha

By Veena

Published: Tuesday, July 10, 2012, 6:07 [IST]

പറന്നു നില്‍ക്കുന്ന മുടി മുഖസൗന്ദര്യം തന്നെ കുറയ്ക്കും. യാത്രയും മറ്റും പോകുമ്പോഴാണെങ്കിലോ, പറയുകയും വേണ്ട. വരണ്ട മുടിയാണ് ഇതിനുള്ള ഒരു പ്രധാന കാരണം. ഇത്തരം മുടി നന്നാക്കിയെടുക്കാനും ചില വഴികളുണ്ട്. തികച്ചും സ്വാഭാവിക മാര്‍ഗങ്ങള്‍.

പഴം ഉടച്ച് ഒന്നോ രണ്ടോ സ്പൂണ്‍ ബദാം ഓയിലും ചേര്‍ത്ത് മുടിയില്‍ തേച്ചു പിടിപ്പികുക. അരമണിക്കൂര്‍ കഴിഞ്ഞ് കഴുകിക്കളയാം. മുടി ജട പിടിച്ച് പൊന്തി നില്‍ക്കില്ല, മുടിക്കു തിളക്കം കൂടുകയും ചെയ്യും.

ഹോട്ട് ഓയില്‍ മസാജ് മറ്റൊരു വഴിയാണ്. ആഴ്ചയില്‍ രണ്ടു ദിവസമെങ്കിലും ഇതു ചെയ്യണം. ബദാം ഓയില്‍, വെളിച്ചെണ്ണ എന്നിവ കലര്‍ത്തി ഹോട്ട് ഓയില്‍ മസാജ് ചെയ്യാം. രാത്രി കിടക്കുന്നതിനും മുന്‍പ് ഈ മിശ്രിതം ചൂടാക്കി തലയില്‍ തേച്ചു പിടിപ്പിച്ചു കിടക്കാം. അല്ലെങ്കില്‍ തലയില്‍ തേച്ചു പിടിപ്പിച്ച് അര മണിക്കൂര്‍ കഴി്ഞ്ഞ് കഴുകിക്കളയാം.

മുടി ഒതുങ്ങിയിരിക്കുന്നതിനുള്ള മറ്റൊരു മാര്‍ഗമാണ് ബിയല്‍. ഒരു സ്േ്രപ ബോട്ടിലില്‍ അല്‍പം ബിയര്‍ എടുത്ത് മുടിയില്‍ സ്‌പ്രേ ചെയ്യുക. പതിനഞ്ചു മിനിറ്റു കഴിഞ്ഞ് കഴുകിക്കളയാം.

മുട്ട മുടി ഒതുങ്ങിയിരിക്കാനും മുടിക്കു തിളക്കം നല്‍കാനുമുള്ള നല്ലൊരു മാര്‍ഗമാണ്. മുട്ട തനിയെ തേയ്ക്കുമ്പോള്‍ ദുര്‍ഗന്ധമുണ്ടാവുമെന്നവര്‍ക്ക് ഇത് തൈരില്‍ കലര്‍ത്തി മുടിയില്‍ പുരട്ടാം. മുട്ട വെള്ള മാത്രം എടുത്താല്‍ മതിയാകും.

നല്ലപോലെ വെള്ളം കുടിയ്ക്കുക. ഇത് ശരീരത്തില്‍മ ാത്രമല്ലാ, മുടിയിലും ജലാംശം നിലനില്‍ക്കാന്‍ സഹായിക്കും. മദ്യം, കാപ്പി എന്നിവ ഒഴിവാക്കുക. ഇവ രണ്ടും മുടി വരണ്ടതാക്കും.