കിടക്കും മുന്‍പേ മുടി സംരക്ഷിക്കൂ

കിടക്കും മുന്‍പ് മുടി നല്ലപോലെ ചീകണം. ജടയെല്ലാം കളയുന്നത് മുടി പൊട്ടിപ്പോകാതിരിക്കാന്‍ സഹായിക്കും. മാത്രമല്ലാ, നല്ലൊരു മസാജിന്റെ ഗുണമാണ് മുടി ചീകുമ്പോള്‍ ഉണ്ടാകുന്നത്. തലയോടിലെ രക്തപ്രവാഹം വര്‍ദ്ധിക്കാന്‍ ഇത് സഹായിക്കും.

രാത്രി മുടി എണ്ണയിട്ട് മസാജ് ചെയ്യുന്നതു നല്ലതാണ്. ഇതും മുടിവളര്‍ച്ചക്ക് നല്ലതാണ്. മുടി വരണ്ടു പോകാതിരിക്കാന്‍ ഇത് നല്ല വഴിയാണ്. രാവിലെ എണ്ണ തേക്കാന്‍ നേരമില്ലെന്ന പരാതി ഒഴിവാക്കുകയും ചെയ്യാം. എണ്ണ മുടിയില്‍ നന്നായി പിടിച്ചു കഴിഞ്ഞാല്‍ ഷാംപൂ ഇട്ട് രാവിലെ കഴുകാം. വെളിച്ചെണ്ണ, ബദാം, ഒലീവ് ഓയില്‍ തുടങ്ങിയവ ഇതിനുപയോഗിക്കാം.

എണ്ണ തേക്കാന്‍ മടിയുള്ളവര്‍ സിറം തേച്ച് മുടി മസാജ് ചെയ്താലും മതി. ഇതും മുടിവളര്‍ച്ചക്കു നല്ലതാണ്. മുടി വരണ്ടുപോകാതിരിക്കാനും സിറം നല്ലതാണ്.

കിടക്കുമ്പോള്‍ മുടി ജട കളഞ്ഞ് കെട്ടി വച്ചു കിടക്കണം. അല്ലെങ്കില്‍ മുടി പൊട്ടിപ്പോകാനും അറ്റം പിളരാനും ഇടയാകും. മുടി കൂടുതല്‍ മുറുക്കിയോ അയവാക്കിയോ കെട്ടരുത്.

നീണ്ട മുടി ഒരുമിച്ചു കെട്ടി വയ്ക്കാന്‍ സാധിക്കാത്തവര്‍ മുടി കെട്ടി അതിനു മുകളില്‍ എന്തെങ്കിലും തുണി കെട്ടുന്നത് നല്ലതതായിരിക്കും. ഇങ്ങനെ ചെയ്താല്‍ മുടി പൊട്ടിപ്പോകില്ല.