മുടിയ്ക്കും വേണ്ടേ സണ്‍സ്‌ക്രീന്‍

Published: Monday, June 25, 2012, 5:58 [IST]

മുഖത്ത് സണ്‍ടാന്‍ വരുന്നതു തടയാന്‍ സണ്‍സ്‌ക്രീന്‍ ലോഷനുകളും ക്രീമുകളും മിക്കവാറും പേര്‍ ഉപയോഗിക്കാറുണ്ട്. സണ്‍ടാന്‍ തടയാന്‍ മാത്രമല്ലാ, സ്‌കിന്‍ ക്യാന്‍സര്‍ പോലുള്ള അസുഖങ്ങള്‍ തടയാനും ഇത് അത്യാവശ്യമാണ്.

ചര്‍മത്തിന മാത്രമല്ലാ, മുടിയ്ക്കും ചൂടും വെയിലും ദോഷങ്ങളേല്‍പ്പിക്കുന്നുണ്ട്. മുടി നരയ്ക്കുക, മുടിയുടെ സ്വാഭാവിക ഭംഗി നശിക്കുക തുടങ്ങിയവ ഇതിന്റെ ഫലങ്ങളാണ്. ഇതിനെ തടയാന്‍ മുടിയ്ക്കും സണ്‍സ്‌ക്രീന്‍ ആവശ്യമാണ്.

തേയിലവെള്ളം മുടിക്കു പറ്റിയ നല്ലൊന്നാന്തരം സണ്‍സ്‌ക്രീനാണ്. പ്രത്യേകിച്ചും ഗ്രീന്‍ ടീ.

തേയിലയിട്ട് വെള്ളം തിളപ്പിച്ച ശേഷം ഇത് മുടിയില്‍ നന്നായി പുരട്ടുകയോ ഒഴിക്കുകയോ ചെയ്യുക. മുടിയില്‍ ഷവര്‍ ക്യാപ് വയ്ക്കാം. അരമണിക്കൂറിന് ശേഷം മുടി കഴുകാം. ഇത് മുടിയ്ക്ക് സൂര്യനില്‍ നിന്നും സംരക്ഷണം നല്‍കും.

ഹെന്ന മുടിയുടെ വളര്‍ച്ചയ്ക്കും മുടി നരയ്ക്കാതിരിക്കുന്നതിനും മാത്രമല്ലാ, മുടിയ്ക്ക് സംരക്ഷണം കൊടുക്കുന്നതിനും നല്ലതാണ്. മുടിയില്‍ ഹെന്ന ചെയ്യുമ്പോള്‍ ഒരു പ്രോട്ടീന്‍ വലയം മുടിയ്ക്കു ചുറ്റുമുണ്ടാകുന്നുണ്ട്. ഇത് മുടിയെ സൂര്യന്റെ അള്‍ട്രാവയലറ്റ് രശ്മികളില്‍ നിന്നും മുടിയ്ക്ക് സംരക്ഷണം നല്‍കും.

ചിലതരം എണ്ണകളും വെളിച്ചെണ്ണയും മുടിയ്ക്ക സൂര്യനില്‍ നിന്നും സംരക്ഷണം നല്‍കും. എള്ളെണ്ണ, വെളിച്ചെണ്ണ, ബദാം ഓയില്‍ എന്നിവ സൂര്യപ്രകാശത്തില്‍ നിന്ന് മുടിയ്ക്ക്് സംരക്ഷണം നല്‍കുന്നവയാണ്.

വൈറ്റമിന്‍ ഇ ഓയിലും മുടിയുടെ സണ്‍സ്‌ക്രീനായി പ്രവര്‍ത്തിക്കും. വൈറ്റമിന്‍ ഇ ഗുളികകള്‍ പൊട്ടിച്ച് ഈ എണ്ണ മുടിയില്‍ പുരട്ടി മസാജ് ചെയ്യുക. അല്‍പസമയത്തിനു ശേഷം കഴുകിക്കളയാം.

ഇത്തരം കാര്യങ്ങള്‍ ആഴ്ചയിലൊരിക്കലെങ്കിലും ചെയ്യുന്നത് മുടിയുടെ അകാലനര ഒഴിവാക്കാനും മുടി കേടാകാതിരിക്കാനും സഹായിക്കും.