മുടിയുടെ സണ്‍സ്‌ക്രീന്‍!

ഹെന്ന മുടിവളര്‍ച്ചയ്ക്ക് വളരെ നല്ലതാണ്. ഇതില്‍ മുടിക്കാവശ്യമായ പ്രോട്ടീന്‍ ധാരാളമുണ്ട്. മുടിവേരുകളെ വരെ ബലപ്പെടുത്താന്‍ ഹെന്നയ്ക്കു കഴിയും.

മുടി കൊഴിച്ചില്‍ തടയുന്നതിനും ഹെന്ന നല്ലതാണ്. തലയോട്ടിയിലെ മുടിവേരുകളെ ബലപ്പെടുത്തിയാണ് ഹെന്ന മുടികൊഴിച്ചില്‍ തടയുന്നത്. താരന്‍ പോലുള്ള പ്രശ്‌നങ്ങള്‍ക്കും മുടിയില്‍ ഹെന്ന ചെയ്യുന്നത് നല്ലതാണ്.

മുടിക്കുള്ള സണ്‍സ്‌ക്രീന്‍ ആയി ഹെന്ന പ്രവര്‍ത്തിക്കും. ഹെന്നയിലെ ഹെന്നാടാനിക് ആസിഡാണ് ഈ ഗുണം ചെയ്യുന്നത്. ഇത് അള്‍ട്രാ വയലറ്റ് രശ്മികളില്‍ നിന്നും മുടിയ്ക്ക് സംരക്ഷണം നല്‍കുകയാണ് ചെയ്യുന്നത്. ക്ലോറിനില്‍ നിന്നും പൊടിയില്‍ നിന്നുമെല്ലാം ഹെന്ന മുടിക്കു സംരക്ഷണം നല്‍കുന്നു.

മുടി നരയ്ക്കുന്നതു തടയുമെന്നതാണ് ഹെന്നയുടെ ഏറ്റവും മികച്ച സംര*ണം. ഇത് മുടിക്ക് കളര്‍ ചെയ്‌തൊരു പ്രതീതിയും നല്‍കും. ആരോഗ്യകരമായ കളറിംഗ് എന്നു വേണമെങ്കില്‍ പറയാം.

മുടിയ്ക്ക് കരുത്തു നല്‍കാനും മുടി തിളങ്ങാനും ഹെന്ന സഹായിക്കുന്നുണ്ട്. ഇത് മുടി വരളാതെ സൂക്ഷിക്കുകയും ചെയ്യും.

ഹെന്ന വീട്ടില്‍ തന്നെ ഉണ്ടാക്കുന്നതാണ് നല്ലത്. മയിലാഞ്ചിയില ഉണക്കിപ്പൊടിച്ചോ അരച്ചോ ഇതുണ്ടാക്കാം. ഇതില്‍ കാപ്പിപ്പൊടി, തൈര്, നാരങ്ങാനീര്, മുട്ടവെള്ള എന്നിവ ചേര്‍ത്ത് തലയില്‍ പുരട്ടാം. ഒന്നു രണ്ടു മണിക്കൂര്‍ കഴിഞ്ഞ് കഴുകിക്കളയാം.