അകാലനരയ്ക്ക് പ്രതിവിധികള്‍

Hair Care

oi-Saritha

By Veena

Published: Thursday, May 3, 2012, 12:46 [IST]

ഭാഗ്യനര എന്നു പറഞ്ഞ് തള്ളിക്കളയുമെങ്കിലും മുടിയില്‍ വെള്ളി വീണാല്‍ ആര്‍ക്കും വലിയ സന്തോഷമൊന്നുമുണ്ടാകില്ല. വയസായിപ്പോയോ ദൈവമേ എന്നൊരു ഭയം കയറിക്കൂടുകയും ചെയ്യും. നര മറയ്ക്കാനുള്ള തത്രപ്പാടായിരിക്കും പിന്നീട്. ഡൈ, കളര്‍ എന്തൊക്കെ മേളങ്ങളായിരിക്കും പിന്നീട്.

അകാലനര ഒഴിവാക്കാന്‍ നേരത്തെ തന്നെ മുന്‍കരുതലുകളെടുക്കാം.

വൈറ്റമിന്‍ എ, ഡി എന്നിവയടങ്ങിയ ഭക്ഷണങ്ങള്‍ ധാരാളം കഴിയ്ക്കുക. ഇത് മുടിയുടെ കറുപ്പു നിറം സംരക്ഷിക്കും. പാല്‍, വെള്ള, കരള്‍, മീനെണ്ണ തുടങ്ങിയവ വൈറ്റമിന്‍ എയും ഡിയും അടങ്ങിയ ഭക്ഷണസാധനങ്ങളാണ്.

എപ്പോഴും മാറി മാറി എണ്ണകള്‍ പരീക്ഷിച്ചു കൊണ്ടിരിക്കുന്നത് മുടി പെട്ടെന്ന് നരയ്ക്കാന്‍ ഇട വരുത്തും. കഴിവതും ഒരേ തരം എണ്ണ മാത്രം ഉപയോഗിക്കുക. വാങ്ങുന്നതിനേക്കാള്‍ വീട്ടില്‍ തന്നെ ഉണ്ടാക്കുന്ന എണ്ണകള്‍ ഉപയോഗിക്കുക.

ടെന്‍ഷന്‍, സ്ട്രസ് എന്നിവയും മുടി വേഗം നരയ്ക്കാന്‍ ഇട വരുത്തും. ഇവയില്‍ നിന്നും അകന്നു നില്‍ക്കുക.

മുടി നര ഒഴിവാക്കാന്‍ ഡൈ ചെയ്യുന്ന ശീലം പലര്‍ക്കുമുണ്ട്. ഇത് നര പെട്ടെന്നു കൂട്ടുന്ന ഒരു കാര്യമാണ്. താല്‍ക്കാലിക ഗുണം മാത്രമെ ഡൈ കൊണ്ട് ഉണ്ടാകുകയുള്ളൂ.

നെല്ലിക്ക കഴിയ്്ക്കുന്നത് മുടി നരക്കാതിരിക്കാനും മുടി വളരാനും നല്ലതാണ്.

തലയില്‍ ഹെന്ന ചെയ്യുന്നതും മുടി നരയ്ക്കാതിരിക്കാന്‍ നല്ലതാണ്.