മുടിയെക്കുറിച്ച് ചില തെറ്റിദ്ധാരണകള്‍

Hair Care

oi-Saritha

By Veena

Published: Wednesday, March 28, 2012, 12:01 [IST]

മുടിയെക്കുറിച്ച് പലരും പറഞ്ഞു പഠിപ്പിച്ചതും കേട്ടു പഠിച്ചതുമായി ചില കാര്യങ്ങളുണ്ട്. പലതും വേണമെങ്കില്‍ മിത്ത് എന്നു പറയാം.

തലയില്‍ ഒരു നരച്ച മുടിയുണ്ടെങ്കില്‍ അത് പിഴുതു മാറ്റാന്‍ പലരും മടിക്കുന്ന കാണാം. ഇതിനു പറയുന്ന കാരണമോ, നരച്ച മുടി പിഴുതു മാറ്റിയാല്‍ കൂടുതല്‍ മുടികള്‍ നരയ്ക്കുമെന്നതും. ഇതില്‍ വാസ്തവത്തില്‍ കാര്യമൊന്നുമില്ല. മുടി പിഴുതു മാറ്റിയാല്‍ മുടിവേരുകള്‍ക്ക് കേടു വരുമെന്നുള്ളത് സത്യമാണ്. വേദനയുമുണ്ടാകും. അല്ലാതെ ഇത് കൂടുതല്‍ നരച്ച മുടികള്‍ക്ക് വഴിയൊരുക്കുമെന്ന കാര്യത്തില്‍ വാസ്തവമൊന്നുമില്ല്.

മുടി പിന്നിയിടുന്നത് മുടി നഷ്ടപ്പെടുത്താനും കഷണ്ടി വരാനും കാരണമാകുമെന്ന ഒരു വിശ്വാസവും ചിലരിലുണ്ട്. മുടി മുറുകെ വലിച്ചു പിന്നിയിടുന്നത് മുടിയിഴകള്‍ക്ക് കൂടുതല്‍ സമ്മര്‍ദമുണ്ടാക്കും. ഒന്നോ രണ്ടോ മുടി ചിലപ്പോള്‍ പൊട്ടിപ്പോയെന്നും വരാം. അല്ലാതെ മറ്റു പ്രശ്‌നങ്ങളൊന്നുമില്ല.

കഴുകിയാല്‍ മുടി കൊഴിയുമെന്നു പറഞ്ഞ് ദിവസവും തല കുളിയ്ക്കാത്തവരുണ്ട്. ഇതിലും വാസ്തവമില്ല. മുടി കഴുകുന്നത് അഴുക്കു നീക്കാനും മുടി വൃത്തിയായിരിക്കാനും സഹായിക്കും. അല്ലാതെ മുടി കുറയില്ല. കുളിയ്ക്കുമ്പോള്‍ ദിവസവും രാസവസ്തുക്കള്‍ അടങ്ങിയ ഷാംപൂ, കണ്ടീഷണര്‍ എന്നിവ ഉപയോഗിക്കരുതെന്നു മാത്രം.