മുടി കൊഴിച്ചില്‍ തടയാന്‍ ഉള്ളി

Published: Thursday, March 22, 2012, 16:02 [IST]

ഉള്ളിയുടെ മണം മിക്കവര്‍ക്കും ഇഷ്ടമാകില്ല. അപ്പോള്‍ ഉള്ളി തലയില്‍ തേക്കാന്‍ പറഞ്ഞാലോ എന്നായിരിക്കും. മണത്തെ ഒഴിച്ചു നിര്‍ത്തിയാല്‍ മുടി കൊഴിച്ചില്‍ തടയാന്‍ പറ്റിയ നല്ലൊന്നാന്തരം മാര്‍ഗമാണ് ഇതെന്നു പറയാം.

ഉള്ളിനീര് തലയോടില്‍ പുരട്ടുന്നത് മുടികൊഴിച്ചില്‍ അകറ്റാന്‍ പറ്റിയ നല്ലൊന്നാന്തരം മാര്‍ഗമാണ്. ഇത് തലയോടിലെ സുഷിരങ്ങളെ തുറക്കുവാന്‍ സഹായിക്കും. ഉള്ളിനീര് പുരട്ടുന്നതിന് അരമണിക്കൂര്‍ മുന്‍പ് ചൂടുവെള്ളത്തില്‍ മുക്കിപ്പിഴിഞ്ഞ തുണി തലയില്‍ കെട്ടുന്നത് നല്ലതാണ്. ഇത് ഉള്ളിനീര് തലയോടില്‍ ശരിക്കു പിടിയ്ക്കുന്നതിന് സഹായിക്കും.

ഉള്ളിയുടെ നീര് തേനുമായി ചേര്‍ത്ത് തലയില്‍ പുരട്ടുന്നത് കൂടുതല്‍ ഗുണം ചെയ്യും. ഇവ രണ്ടും കൂട്ടിച്ചേര്‍ത്ത് മിക്‌സിയില്‍ അടിച്ച് ജെല്‍ പോലെയാക്കാം.

ഉള്ളി മിക്‌സിയില്‍ അടിച്ച് അതില്‍ വെളിച്ചെണ്ണയും അല്‍പം ബിയറും ചേര്‍ത്ത് തലയില്‍ തേയ്ക്കുന്നത് നല്ലതാണ്. ബിയര്‍ നല്ലൊരു കണ്ടീഷണറിന്റെ ഗുണം ചെയ്യും. വെളിച്ചെണ്ണ മുടിവേരുകളെ ശക്തിപ്പെടുത്തുകയും ചെയ്യും.

ബിയര്‍ മാത്രമല്ലാ, റം ഉള്ളിയുടെ കൂടെ ഉപയോഗിച്ചും മുടി സംരക്ഷിക്കാം. അല്‍പം റമ്മില്‍ ഉള്ളി അരിഞ്ഞത് ഒരു രാത്രി മുഴുവന്‍ ഇട്ടു വയ്ക്കുക. ഇത് ഉള്ളിനീര് റമ്മില്‍ അലിയാന്‍ സഹായിക്കും. ഈ റം തലയോടിലും മുടിയിലും തേയ്ക്കുന്നത് നല്ലതാണ്.