മുടി വളര്‍ച്ചയ്ക്ക് എണ്ണമിക്‌സ്

Hair Care

oi-Saritha

By Veena

Published: Monday, March 19, 2012, 11:58 [IST]

മുടിക്ക് ഹോട്ട്ഓയില്‍ മസാജ് ചെയ്യുന്ന ഗുണം പറഞ്ഞറിയിക്കേണ്ടതില്ല. ഓയില്‍ മസാജിന് വേണ്ടി മിക്കവാറും പേര്‍ വെളിച്ചെണ്ണയാണ് പ്രധാനമായും ഉപയോഗിക്കാറ്. ആവണക്കെണ്ണ, ബദാം ഓയില്‍, ഒലീവ് ഓയില്‍ എന്നിവയും ഇതിനുപയോഗിക്കാം.

ഓയില്‍ മസാജിന് കൂടുതല്‍ പ്രയോജനം ലഭിക്കണമെങ്കില്‍ ഈ നാല് എണ്ണകളും കൂട്ടി യോജിപ്പിച്ച് തേയ്ക്കുന്നതാണ് നല്ലത്. എന്നാല്‍ ഇവ ചേര്‍ക്കേണ്ട ആനുപാതവും കൃത്യമായിരിക്കണം.

ആവണക്കെണ്ണ എപ്പോഴും മറ്റ് എണ്ണകളേക്കാള്‍ കുറച്ചേ ഉപയോഗിക്കാവൂയെന്നത് പ്രധാനം. ഒലീവ്, വെളിച്ചെണ്ണ, ബദാം ഓയിലുകള്‍ ഒരു കപ്പ് വീതം എടുക്കുമ്പോള്‍ ആവണക്കെണ്ണ അരക്കപ്പേ ഉപയോഗിക്കാവൂ. ആവണക്കെണ്ണയ്ക്ക് കട്ടി കൂടുതലാണ്.

ഇത്തരം എണ്ണകള്‍ ചെയ്യുന്ന പ്രയോജനവും അറിഞ്ഞു വയ്്ക്കൂ.

ഒലീവ് ഓയില്‍ മുടി മൃദുവാക്കുന്നു. മുടിയുടെ വരള്‍ച്ച, മുടിത്തുമ്പു പിളരല്‍ തുടങ്ങിയ പ്രശ്‌നങ്ങള്‍ക്കുള്ള നല്ല പരിഹാരമാണിത്.

വെളിച്ചെണ്ണ മുടി വളരാനുള്ള പ്രകൃതിദത്ത മാര്‍ഗമാണെന്നു പറയാം.

മുടി കൊഴിച്ചിലകറ്റാന്‍ ബദാം ഓയില്‍ നല്ലതാണ്. ഇത് മുടി മിനുസമുള്ളതാക്കുകയും ചെയ്യും.

ആവണക്കെണ്ണ മുടി തഴച്ചു വളരാന്‍ നല്ലതാണ്.

മുടിയില്‍ എണ്ണ പുരട്ടുമ്പോള്‍ ഈ മാര്‍ഗം ഉപയോഗിക്കു നോക്കൂ.