'കളര്‍' ചെയ്ത മുടി സംരക്ഷിക്കാം

എന്നാല്‍ കളര്‍ ചെയ്യുന്ന പോലെ എളുപ്പമല്ല, കളര്‍ ചെയ്യുന്ന മുടി സംരക്ഷിക്കാന്‍. മുടി കഴുകുമ്പോഴും ഷാംപൂ ചെയ്യുമ്പോഴുമെല്ലാം പ്രത്യേക ശ്രദ്ധ വേണം. കളറിലെ കെമിക്കലുകള്‍ മുടിക്കു ദോഷമാണെന്നതു കൊണ്ട് മുടി നല്ലപോലെ സൂക്ഷിക്കുക തന്നെ വേണം.

കളര്‍ ചെയ്യുമ്പോള്‍ മുടി വരണ്ടതാകുന്നത് സ്വാഭാവികം.ഇത്തരം മുടിയില്‍ ആഴ്ചയിലൊരിക്കലെങ്കിലും കണ്ടീഷണര്‍ പുരട്ടണം. കളര്‍ ചെയ്ത മുടിക്കുള്ള പ്രത്യേക കണ്ടീഷണറുകള്‍ വാങ്ങി ഉപയോഗിക്കുകയും വേണം.

മുടി കളര്‍ ചെയ്തവര്‍ ക്ലോറില്‍ വെള്ളത്തില്‍ മുടി കഴുകുന്നത് ഒഴിവാക്കണം. അല്ലെങ്കില്‍ ക്ലോറിനുമായി ചേര്‍ന്ന മുടിക്ക് പച്ച നിറം വരാന്‍ സാധ്യത കൂടുതലാണ്. സ്വിമ്മിംഗിന് പോകുന്നവരാണെങ്കില്‍ തലയില്‍ ക്യാപ് നിര്‍ബന്ധമായും വച്ചിരിക്കണം.

കളര്‍ ചെയ്ത് ഒന്നുരണ്ടാഴ്ചക്കെങ്കിലും തലയില്‍ മറ്റു കെമിക്കലുകള്‍ ഉപയോഗിക്കാതിരിക്കണം. അല്ലെങ്കില്‍ മുടി കൊഴിഞ്ഞുപോകാന്‍ സാധ്യതയേറും.

മുടിയുടെ കളര്‍ അതേപടി നിലനിര്‍ത്തണമെങ്കില്‍ രണ്ടു മാസം കൂടുമ്പോഴെങ്കിലും ടച്ച് അപ് നടത്തുക.

കളര്‍ ചെയ്ത മുടിയില്‍ ഹെന്ന അല്‍പകാലത്തേക്ക് ഉപയോഗിക്കരുത്. മുടിയുടെ നിറം മാറും. മുടി കൂടുതല്‍ വരണ്ടുപോകുകയും ചെയ്യും.