താരന്‍ മാറാന്‍ മുത്തശ്ശിവൈദ്യം

Hair Care

oi-Saritha

By Veena

Published: Wednesday, March 7, 2012, 14:38 [IST]

ചര്‍മത്തിനും മുടിയ്ക്കും എപ്പോഴും കൂടുതല്‍ നല്ലത് പ്രകൃതിദത്ത പരിചരണമാണെന്നു പറയും. മുടിയുടെ ആരോഗ്യത്തെ നശിപ്പിക്കുന്ന പ്രധാന പ്രശ്‌നമാണ് താരന്‍. ഇതിനും പ്രകൃതിദത്ത പരിചരണമുണ്ടെന്നാണ് സത്യം. അതും വീട്ടില്‍ തന്നെ ചെയ്യാവുന്ന നിസാര പ്രശ്‌നങ്ങള്‍.

വെളിച്ചെണ്ണയില്‍ ചെറിയ ഉള്ളിയിട്ട് 20 മിനിറ്റ് തിളപ്പിക്കണം. ഈ വെളിച്ചെണ്ണ ഉപയോഗിച്ച് തലയില്‍ മസാജ് ചെയ്ത് ചെറുപയര്‍ പൊടിയും കഞ്ഞിവെള്ളവും കലര്‍ന്ന മിശ്രിതത്തില്‍ കഴുകിക്കളയുക.

ബദാം ഓയിലും നെല്ലിക്കാ ജ്യൂസും കലര്‍ന്ന മിശ്രിതം തലയില്‍ പുരട്ടാം.

ഒലീവ് ഓയില്‍, ചെറുനാരങ്ങാ ജ്യൂസ്, വെളിച്ചെണ്ണ എന്നിവ കലര്‍ന്ന മിശ്രിതം ചൂടാക്കി തലയില്‍ പുരട്ടാം. പിന്നീട് ചൂടുവെള്ളത്തില്‍ ടവല്‍ മുക്കിപ്പിഴിഞ്ഞ് തലയില്‍ കെട്ടിവയ്ക്കാം.

ഉലുവ, കടുക് എന്നിവ കുതിര്‍ത്തി അരച്ച് തലയില്‍ തേക്കുന്നത് നല്ലതാണ്.

കഞ്ഞിവെള്ളത്തില്‍ ഷിക്കാക്കായ് പൗഡര്‍ കലക്കി തലയില്‍ പുരട്ടുന്നത് നല്ലതായിരിക്കും.

വെളിച്ചെണ്ണയില്‍ കര്‍പ്പൂരമിട്ട് തിളപ്പിച്ച് തലയില്‍ മസാജ് ചെയ്യണം. അരമണിക്കൂര്‍ കഴിഞ്ഞ് മുടി ഷാംപൂ ഉപയോഗിച്ച് കഴുകിക്കളയണം.