മുടിക്ക് 'ഫ്രൂട്ടി' ഡയറ്റ്

മുടിയില്‍ മുട്ടയും തേനും തേച്ചു പിടിപ്പിക്കുന്നത് വരണ്ട മുടിക്കു പറ്റിയ മരുന്നാണ്. മുടി വളരാനും ഇത് സഹായിക്കും. പൈനാപ്പിള്‍, പേരയ്ക്ക, മുന്തിരി, ആപ്പിള്‍, മാങ്ങ തുടങ്ങിയ ഫലങ്ങള്‍ കഴിയ്ക്കുന്നതും ഇതേ ഫലമാണ് ചെയ്യുക. ഇവയില്‍ വൈറ്റമിന്‍ എ, സി, ഇ എന്നിവ അടങ്ങിയിട്ടുള്ളതു തന്നെ കാരണം.

താരനുള്ളവര്‍ക്ക് പറ്റിയ മരുന്നാണ് ചെറുനാരങ്ങ. ചെറുനാരങ്ങനീര് ചെറുചൂടുള്ള എണ്ണയില്‍ ചേര്‍ത്ത് തലയോടില്‍ പുരട്ടുന്നത് ഗുണം ചെയ്യും.

ഒലീവ്, ബദാം തുടങ്ങിയവയും മുടിയ്ക്കു നല്ലതാണ്. ബദാം കഴിയ്ക്കുന്നതും ബദാം, ഒലീവ് ഓയിലുകള്‍ തലയില്‍ പുരട്ടുന്നതും മുടി വളരുവാന്‍ നല്ലതാണ്.

ഫ്രൂട്‌സും മുടിസംരക്ഷണത്തിന് സഹായിക്കുമന്നു മനസിലായില്ലേ.