മുടി തിളങ്ങാന്‍ പ്രകൃതിദത്ത കണ്ടീഷണര്‍

തൈര് നല്ലൊന്നാന്തരം കണ്ടീഷണറാണ്. മുടി കഴുകുന്നതിന് അരമണിക്കൂര്‍ മുന്‍പ് ഇത് മുടിയിലും തലയോടിലും തേച്ചു പിടിപ്പിക്കണം. പിന്നീടിത് വീര്യം കുറഞ്ഞ ഷാംപൂ ഉപയോഗിച്ച് കഴുകിക്കളയണം.

മുട്ട മുടിക്ക് ദുര്‍ഗന്ധമുണ്ടാക്കുമെങ്കിലും ഇത് നല്ലൊരു കണ്ടീഷണറാണ്. മുട്ടവെള്ളയെടുത്ത് നല്ലപോലെ അടിച്ച് മുടിയില്‍ തേച്ചു പിടിപ്പിക്കണം. അല്‍പസമയം കഴിഞ്ഞ് ഷാംപൂ ഉപയോഗിച്ച് കഴുകിക്കളയാം.

മുടിക്കു പറ്റിയ നല്ലൊന്നാന്തരം കണ്ടീഷണറാണ് ബിയര്‍. അല്‍പം ബിയര്‍ വെള്ളത്തിലൊഴിച്ച് ഈ വെള്ളമുപയോഗിച്ച് മുടി കഴുകാം.

പഴം നല്ലപോലെ ഉടച്ച് അതില്‍ തേന്‍ ചേര്‍ത്ത് മുടിയില്‍ തേക്കുന്നത് നല്ലതാണ്. ഇത് തലയില്‍ തേച്ച് അര-മുക്കാല്‍ മണിക്കൂര്‍ കഴിയുമ്പോള്‍ കഴുകിക്കളയാം.

വൈറ്റ് വിനെഗറും മുടിക്കു പറ്റിയ കണ്ടീഷണറാണ്. ഒരു ബക്കറ്റ് വെള്ളത്തില്‍ അഞ്ചോ ആറോ തുള്ളി വൈറ്റ് വിനെഗര്‍ ചേര്‍ത്ത് മുടി കഴുകാം.