തിളങ്ങും മുടിയുടെ രഹസ്യം

Hair Care

oi-Saritha

By Veena

Published: Saturday, February 25, 2012, 15:43 [IST]

മുടിയുള്ള പെണ്ണിന് അഴകേറുമെന്നു പറയും. എന്നാല്‍ നല്ല മുടി കുറച്ചുപേരുടെ മാത്രം സൗഭാഗ്യമാണ്. കുറേ മുടിയുണ്ടായതു കൊണ്ടുമായില്ല, ഉള്ള മുടിക്ക് അഴകും ആരോഗ്യവും വേണം. ഇതിനുള്ള വളരെ ലളിതമായ ചില മാര്‍ഗങ്ങള്‍ അറിയൂ,

മുടിയില്‍ ആവണക്കെണ്ണ പുരട്ടി മസാജ് ചെയ്യുന്നത് നല്ലതാണ്.

തേയില വെള്ളം കൊണ്ട് ആഴ്ചയിലൊരിക്കലെങ്കിലും മുടി കഴുകുക.

നെല്ലിക്ക കുറച്ചു പാലിലിട്ട് രണ്ടു മണിക്കൂര്‍ വയ്ക്കുക. ഇത് അരച്ച് തലയില്‍ പുരട്ടാം.

മുട്ടയുടെ വെള്ള, ആവണക്കെണ്ണ, ഗ്ലിസറിന്‍ എന്നിവ കൂട്ടിച്ചേര്‍ത്ത് മുടിയില്‍ പുരട്ടുക. അല്‍പസമയം കഴിഞ്ഞ് കഴുകിക്കളയാം.

കുളിക്കുന്നതിന് മുന്‍പ് ചെറുചൂടുള്ള വെളിച്ചെണ്ണ തലയില്‍ മസാജ് ചെയ്യുക. അല്‍പസമയം കഴിഞ്ഞ് ചൂടുവെള്ളത്തില്‍ മുക്കിപ്പിഴിഞ്ഞ ടവലില്‍ മുടി പൊതിഞ്ഞു വയ്ക്കുക.

വെളിച്ചെണ്ണയില്‍ ചെമ്പരത്തിപ്പൂ, കറിവേപ്പില എന്നിവയിട്ട് തിളപ്പിച്ച് തലയില്‍ പുരട്ടുന്നത് നല്ലതാണ്.

ഉലുവ കുതിര്‍ത്തി അരച്ച് തൈരില്‍ ചേര്‍ത്ത് തലയില്‍ പുരട്ടാം.

വെളിച്ചെണ്ണയും കടുകെണ്ണയും സമാസമം എടുത്ത് അതില്‍ ഒരു പിടി കറിവേപ്പിലയിട്ട് രാത്രി മുഴുവന്‍ വയ്ക്കുക. ഈ വെളിച്ചെണ്ണ തിളപ്പിക്കുക. കറിവേപ്പില മാറ്റിയ ശേഷം ഇതില്‍ അല്‍പം കര്‍പ്പൂരം അലിയിക്കുക. തണുത്ത ശേഷം ഈ വെളിച്ചെണ്ണ തലയില്‍ പുരട്ടി മസാജ് ചെയ്യാം.