ജിം മുടിയെ കേടുവരുത്തരുത്

Hair Care

oi-Saritha

By Veena

Published: Thursday, February 23, 2012, 16:13 [IST]

ജിമ്മിലും മറ്റും പോയി വ്യായാമം ചെയ്യുമ്പോള്‍ വിയര്‍ക്കുന്നത് സ്വാഭാവികം. ഈ വിയര്‍പ്പ് മുടിയില്‍ പറ്റുകയും മുടിയാകെ ഒട്ടിപ്പിടിക്കുകയും ചെയ്യും. കാണുന്നവര്‍ക്കും വ്യായാമം ചെയ്യുന്നവര്‍ക്കും ഇത് അസ്വസ്ഥതയുണ്ടാക്കും. മുടി നാശമാവുകയും ചെയ്യും.

മുടി ഉയര്‍ത്തി കെട്ടിവയ്ക്കുകയാണ് ഇതിനുള്ള ഏറ്റവും നല്ല പ്രതിവിധി. പോണിടെയ്‌ലോ ബണ്‍ രീതിയിലോ കെട്ടിവയ്ക്കാം. ആവശ്യമെങ്കില്‍ മുടി മുഖത്തേക്കും കഴുത്തിലേക്കും വീഴാതെ ഹെയര്‍ പിന്നുകള്‍ ഉപയോഗിക്കാം.

മുടിയില്‍ ജെല്‍ പുരട്ടി ഒതുക്കിക്കെട്ടുന്നത് വ്യായാമം ചെയ്യുമ്പോള്‍ മുടി രക്ഷിക്കാനുള്ള നല്ലൊരു വഴിയാണ്. ജെല്‍ കോട്ടിംഗുള്ളതു കൊണ്ട് വിയര്‍പ്പധികം മുടിയില്‍ പിടിക്കില്ല. ദുര്‍ഗന്ധവുമുണ്ടാകില്ല.

വ്യായാമത്തിന് ശേഷം മുടിയില്‍ വിയര്‍പ്പായാല്‍ കഴുകാന്‍ വൈകരുത്. നല്ല ഷാംപൂവും കണ്ടീഷണറും ഉപയോഗിച്ച് കഴുകുക.

നീന്തുന്നതും നല്ലൊരു വ്യായാമം തന്നെയാണ്. നീന്തുമ്പോള്‍ സ്വിമ്മിംഗ് ക്യാപ് നിര്‍ബന്ധമായും വയ്ക്കണം. മിക്കവാറും സ്വിമ്മിംഗ് പൂളുകളില്‍ ക്ലോറിന്‍ വെള്ളമായിരിക്കും. ക്യാപ് വച്ചില്ലെങ്കില്‍ മുടിയില്‍ ക്ലോറിനാകും. മുടി വല്ലാതെ വരണ്ടു പോവുകയും ചെയ്യും.