തേനും തേങ്ങയും മുടി കാക്കും

Hair Care

oi-Saritha

By Veena

Published: Monday, February 6, 2012, 15:36 [IST]

വരണ്ട മുടിക്ക് ധാരാളം പ്രതിവിധികള്‍ പറഞ്ഞു കേള്‍ക്കാം. ഏറ്റവും എളുപ്പമുള്ള രണ്ടു സംരക്ഷണമാര്‍ഗങ്ങളാണ് വെളിച്ചെണ്ണയും തേനും. ഏതു തരം മുടിക്കും ഇത് ഉപയോഗിക്കാമെന്നതാണ് ഗുണം. ഉപയോഗിക്കേണ്ട വിധം അല്‍പം വ്യത്യാസമാണെന്നു മാത്രം.

വരണ്ട മുടിക്ക് അരക്കപ്പ് നാളികേരപ്പാല്‍, നാല് സ്പൂണ്‍ കറ്റാര്‍ വാഴനീര്, തേന്‍, എന്നിവ കൂട്ടിച്ചേര്‍്ത്ത് മുടിയില്‍ തേക്കാം. തലയോടില്‍ ഇത് നല്ലപോലെ തേച്ചു പിടിപ്പിച്ച ശേഷം അരമണിക്കൂര്‍ കഴി്ഞ്ഞ് കഴുകിക്കളയാം.

സാധാരണ മുടിക്ക് അരക്കപ്പ് പാല്‍, രണ്ട് സ്പൂണ്‍ തേന്‍, രണ്ടു തുള്ളി ചന്ദനത്തൈലം എന്നിവ കൂട്ടിച്ചേര്‍ത്ത് മുടി.ില്‍ പുരട്ടി കഴുകിക്കളയാം.

എണ്ണമയമുള്ള മുടിയ്ക്ക് ഒരു കപ്പ് ആപ്പിള്‍ സിഡാര്‍ വിനെഗര്‍, അരക്കപ്പ് തൈര്, രണ്ട് സ്പൂണ്‍ നാരങ്ങാനീര്, രണ്ടു സ്പൂണ്‍ ആര്യവേപ്പെണ്ണ എന്നിവ കൂട്ടിച്ചേര്‍ത്ത് തലയില്‍ തേക്കാം. അല്‍പം കഴിഞ്ഞ് കഴുകിക്കളയാം.

ഇത്തരം മിശ്രിതങ്ങള്‍ തേച്ച ശേഷം മുടി ചെറുചൂടുവെള്ളത്തില്‍ കഴുകുന്നതാണ് നല്ലത്. മുടിയില്‍ ഷാംപൂ തേക്കുകയാണെങ്കില്‍ കണ്ടീഷണറും തേക്കണം. മുടി വരണ്ടുപോകാതിരിക്കാന്‍ ഇത് സഹായിക്കും. കണ്ടീഷണര്‍ നല്ലപോലെ കഴുകിക്കളയണം. ചൂടുവെള്ളത്തില്‍ ടവല്‍ മുക്കിപ്പിഴിഞ്ഞ് തലയില്‍ കെട്ടുന്നതും നല്ലതാണ്.