താരനുള്ള കാരണങ്ങള്‍ അറിയൂ, പരിഹാരവും എളുപ്പമാകും

ദിവസവും മുടി കഴുകുന്നതും കുറേ ദിവസം മുടി കഴുകാതിരിക്കുന്നതും താരന് കാരണമാകും. ഇത് രണ്ടും ശിരോചര്‍മത്തെ വരണ്ടതാക്കുകയാണ് ചെയ്യുന്നത്. മുടി കഴുകുന്ന വെള്ളം നല്ലതല്ലെങ്കിലും താരനുണ്ടാകും, പ്രത്യേകിച്ചും ക്ലോറിന്‍ കലര്‍ന്ന വെള്ളം. ഇതുകൂടാതെ ഷാംപൂ, ഹെയര്‍ ഡ്രയര്‍ എന്നിവയുടെ ഉപയോഗവും പോഷരാഹാരക്കുറവും താരന് കാരണമാകും.

താരന്റെ കാരണം മനസിലാക്കിയാല്‍ പരിഹാരവും എളുപ്പമാണ്. ആഹാരത്തില്‍ നല്ല പോഷകങ്ങള്‍ ഉള്‍പ്പെടുത്തുന്നത് മുടി വളരാന്‍ മാത്രമല്ലാ, താരന്‍ പോകാനും നല്ലതാണ്.

ഷാംപൂവിന്റെ ഉപയോഗം കഴിവതും കുറയ്ക്കുക. പ്രകൃതിദത്ത മാര്‍ഗങ്ങളായിരിക്കും കൂടുതല്‍ നല്ലത്.

കൂടുതല്‍ ചൂടും കൂടുതല്‍ തണുപ്പും മുടി കേടുവരുത്തുന്ന കാര്യങ്ങള്‍ തന്നെയാണ്. ഇത്തരം കാലാവസ്ഥകളില്‍ പുറത്തു പോകുമ്പോഴും യാത്ര ചെയ്യുമ്പോഴും മുടി കെട്ടി വയ്ക്കുകയോ തൊപ്പിയോ ഷാളോ സ്‌കാര്‍ഫോ കൊണ്ട് പൊതിയുകയോ ചെയ്യാം.

ഹോര്‍മോണ്‍ പ്രശ്‌നങ്ങളും ചിലപ്പോള്‍ താരന് കാരണമാകും. ഇതിന് ഡോക്ടറെ കണ്ട് പരിഹാരം തേടുകയാണ് നല്ലത്.