വരണ്ട മുടിക്കും പരിഹാരമുണ്ട്

Published: Wednesday, February 1, 2012, 14:49 [IST]

വരണ്ട ചര്‍മം പോലെത്തന്നെ ഒരു പ്രധാന പ്രശ്‌നമാണ് വരണ്ട മുടിയും. പ്രത്യേകിച്ച് തണുപ്പു കാലത്ത്. വരള്‍ച്ച മുടിയുടെ ഭംഗി കളയുക മാത്രമല്ലാ, മുടി പൊട്ടിപ്പോകാനും താരന്‍ തുടങ്ങിയ പ്രശ്‌നങ്ങള്‍ക്കും കാരണമാകും.

മുടി വരണ്ടുപോകുവാന്‍ കാരണങ്ങള്‍ പലതുണ്ട്. പോഷകാഹാരത്തിന്റെ കുറവ്, മുടിയില്‍ ചെയ്യുന്ന സ്‌ട്രെയിറ്റനിംഗ്, കളറിംഗ്, ഡൈ തുടങ്ങിയവ മുടിയുടെ സ്വാഭാവിക ഗുണത്തെ നശിപ്പിക്കുകയും മുടി വരണ്ടതാക്കുകയും ചെയ്യും. ഇതു കൂടാതെ ഷാംപൂവിലെ രാസവസ്തുക്കളും മുടി വരള്‍ച്ചക്കു കാരണമാകും.

മുടിയുടെ വരള്‍ച്ചക്ക് ഓയില്‍ മസാജ് വളരെ ഗുണം ചെയ്യും. ചെറുചൂടുള്ള വെളിച്ചെണ്ണ തലയില്‍ തേച്ചു പിടിപ്പിക്കുന്നത് വളരെ നല്ലത്.

ഷാംപൂവിന്റെ ഉപയോഗം കഴിവതും കുറയ്ക്കുക. പകരം പ്രകൃതിദത്ത മാര്‍ഗങ്ങള്‍ സ്വീകരിക്കുക.

മുടി കഴുകുമ്പോഴും ശ്രദ്ധ വേണം. ചൂടുവെളളം ഉപയോഗിക്കരുത്. ഇളം ചൂടുവെള്ളം വേണമെങ്കിലാവാമെന്നു മാത്രം. മുടി ഉണക്കുവാന്‍ ഡ്രയര്‍ ഒഴിവാക്കുന്നതാണ് നല്ലത്.

ഉണങ്ങിയ ശേഷം മാത്രം മുടി ചീകുക. യാത്ര ചെയ്യുമ്പോള്‍ മുടി ഒതുക്കി കെട്ടിവയ്ക്കുക.

ധാതുക്കള്‍, വൈറ്റമിന്‍ ബി എന്നിവ അടങ്ങിയ ഭക്ഷണം കഴിയ്ക്കുന്നത് മുടി വരള്‍ച്ച മാറാന്‍ നല്ലതാണ്. ബയോട്ടിന്‍ അടങ്ങിയ ഭക്ഷണവും മുടിയുടെ ആരോഗ്യത്തിന് നല്ലതാണ്.