ഷാംപൂ വീട്ടിലുണ്ടാക്കാം

ഷാംപൂ ഉപയോഗിക്കാന്‍ എളുപ്പമാണെങ്കിലും അതിലെ രാസപദാര്‍ത്ഥങ്ങള്‍ പലതും മുടിയ്ക്കു ദോഷം ചെയ്യുന്നവയാണ്. പ്രകൃതിദത്ത ഷാംപൂ എന്നവകാശപ്പെട്ട് വിപണിയില്‍ ഇറങ്ങുന്നവയിലും രാസപദാര്‍ത്ഥങ്ങള്‍ അടങ്ങിയതു തന്നെ. ഇങ്ങനെ വരുമ്പോഴാണ് വീട്ടിലുണ്ടാക്കുന്ന ഷാംപൂ എന്ന ആശയത്തിന്‍രെ പ്രാധാന്യം വര്‍ദ്ധിക്കുന്നത്.

മുട്ടയാണ് ഷാംപൂ ഉണ്ടാക്കാന്‍ ഉപയോഗിക്കേണ്ടത്. രണ്ടു ബൗളുകളിലായി മുട്ടയുടെ വെള്ളയും മഞ്ഞുക്കുരുവും വെവ്വേറെ എടുക്കുക. ഇത് നല്ല പോലെ അടിച്ചു പതപ്പിക്കണം. മുടി ആദ്യം ചെറുചൂടുവെള്ളം കൊണ്ട് നനയ്ക്കണം. പിന്നീട് മുട്ടയുടെ വെള്ള തലയോടില്‍ തേക്കുക. ഇത് നല്ലപോലെ മസാജ് ചെയ്ത ശേഷം മഞ്ഞയും തേയ്ക്കുക. ഒരു മിനിറ്റ് കഴിഞ്ഞ് മുടി ഒലീവ് ഓയില്‍ ചേര്‍ന്ന ഏതെങ്കിലും സോപ്പുപയോഗിച്ച് കഴുകാം. ഇത് ഷാംപൂവിന്റെ ഗുണം തരും.

മുട്ടയില്‍ ഒരു സ്പൂണ്‍ ഒലീവ് ഓയില്‍, നാരങ്ങാനീര്, അരക്കപ്പ് ഹെരബല്‍ ടീ എന്നിവ ചേര്‍ത്താല്‍ ഷാംപൂവായി. മുടി ചെറുചൂടുവെള്ളത്തില്‍ നനച്ച ശേഷം ഇത് തലയില്‍ തേച്ചു പിടിപ്പിക്കാം. വേണമെങ്കില്‍ സുഗന്ധമുള്ള ഏതെങ്കിലും എണ്ണയും മിശ്രിതത്തില്‍ ചേര്‍ക്കാം.

തേയിലവെള്ളവും ഒലീവ് ഓയില്‍ ചേര്‍ത്ത എതെങ്കിലും സോപ്പും ഒരുമിച്ച് ഉപയോഗിക്കുന്നതും ഹെര്‍ബല്‍ ഷാംപൂവിന്റെ ഗുണം തരും.