മുടിസംരക്ഷണത്തിന് ഷിയ ബട്ടര്‍

Hair Care

oi-Saritha

By Veena

Published: Thursday, September 22, 2011, 10:06 [IST]

ഷിയ ബട്ടര്‍ എന്ന ഉല്‍പന്നത്തെക്കുറിച്ച് നല്ല മുടിയാഗ്രഹിക്കുന്നവര്‍ തീര്‍ച്ചയായും അറിഞ്ഞിരിക്കണം. ഷിയ ബട്ടര്‍ ആഫ്രിക്കയില്‍ വളരുന്ന ഒരു മരത്തില്‍ നിന്നെടുക്കുന്ന പ്രകൃതിദത്തമായ ഒന്നാണ്. അതുകൊണ്ടുതന്നെ വിലയേറിയ ഷാംപൂവിനും കണ്ടീഷണറിനും ഇല്ലാത്ത പല ഗുണങ്ങളും ഇതിനുണ്ട്. മുടിക്കു മാത്രമല്ലാ, ത്വക്കിനും ഷിയ ബട്ടര്‍ ഏറെ നല്ലതാണ്.

ഷിയ ബട്ടര്‍ ഉപയോഗിക്കാനും എളുപ്പമാണ്. ബട്ടര്‍ മുടിയിലും തലയോടിലും പുരട്ടി മസാജ് ചെയ്ത ശേഷം അരമണിക്കൂര്‍ നേരം ചൂടുവെള്ളത്തില്‍ മുക്കിപ്പിഴിഞ്ഞ ടവലില്‍ പൊതിഞ്ഞുവയ്ക്കണം. വേണമെങ്കില്‍ പിറ്റേന്ന് തന്നെ മുടിയില്‍ ഷാംപൂവും തേക്കാം. രണ്ടാഴ്ചയിലൊരിക്കലെങ്കിലും ഇങ്ങനെ ചെയ്താല്‍ മുടിക്കിത് പുതുജീവന്‍ നല്‍കും. താരന്‍ അകറ്റാനും വരണ്ട ചര്‍മത്തിനും ഷിയ ബട്ടര്‍ നല്ലതാണ്.

മിക്കവാറും നീന്തല്‍ കുളങ്ങളിലെ വെള്ളത്തില്‍ ക്ലോറിന്‍ കലര്‍ത്തിയിട്ടുണ്ടാകും. ഇതില്‍ നീന്തുന്നവരുടെ മുടിക്ക് ക്ലോറിന്‍ ദോഷം ചെയ്യും. നീന്താനിറങ്ങുന്നതിന് മുന്‍പ് തലയില്‍ ഷിയ ബട്ടര്‍ തേക്കുന്നത് ക്ലോറിനില്‍ നിന്നും മുടിക്ക് സംരക്ഷണം നല്‍കും. ഇതുവഴി നല്ലൊരു കണ്ടീഷണറുടെ ഫലമാണിത് ചെയ്യുന്നത്.

എണ്ണമയമില്ലാത്തതു കൊണ്ട് ഷിയ ബട്ടര്‍ തലയില്‍ തേച്ചാല്‍ അസ്വസ്ഥതയുണ്ടാകുന്നില്ല. ഷാംപൂവിലെ രാസപദാര്‍ത്ഥങ്ങളില്‍ നിന്നും മുടിക്ക് സംരക്ഷണം നല്‍കും. വരള്‍ച്ച മാറ്റി മുടികൊഴിച്ചില്‍ നിയന്ത്രിക്കുന്നതിനും മുടിയുടെ സ്വാഭാവിക ആരോഗ്യം നിലനിര്‍ത്തുന്നതിനും ഷിയ ബട്ടര്‍ സഹായിക്കും.

തലക്ക് കുളിര്‍മ നല്‍കുന്നതിനും ഷിയ ബട്ടര്‍ നല്ലതാണ്.