മുടിയുടെ കളര്‍ ചെയ്യുമ്പോള്‍ ചുവപ്പ് വേണ്ട

മുടിയിലേയ്ക്കുള്ള കളര്‍ തെരഞ്ഞെടുക്കുമ്പോള്‍ മുടിയുടെ നിറത്തേക്കാളും രണ്ടുമൂന്നു ഷേഡ് കുറഞ്ഞതാണ് നല്ലത്. ചില നിറങ്ങള്‍ എളുപ്പം മങ്ങും. ഉദാഹരണത്തിന് ചുവന്ന നിറം പെട്ടെന്ന് മങ്ങിപ്പോകും. കളര്‍ വാങ്ങുമ്പോള്‍ പായ്ക്കറ്റ് നല്ലപോലെ വായിച്ച ശേഷം വാങ്ങുക. കളര്‍ ചെയ്യാനുള്ള നിര്‍ദേശങ്ങളും അതേപടി പിന്തുടരുന്നതായിരിക്കും നല്ല ഫലം കിട്ടാല്‍ നല്ലത്.

മുടി കളര്‍ ചെയ്യുന്നതിന് രണ്ടുമാസം മുന്‍പെങ്കിലും ഹെന്ന തേയ്ക്കാതിരിക്കുക. ഹെന്ന ചെയ്ത മുടിയില്‍ കളര്‍ പിടിയ്ക്കുവാന്‍ ബുദ്ധിമുട്ടാണ്. മുടി കളര്‍ ചെയ്ത ശേഷവും കുറച്ചു കാലത്തേക്കെങ്കിലും ഹെന്ന ഒഴിവാക്കുന്നതാണ് നല്ലത്.

ഷാംപൂ ചെയ്ത ഉടന്‍ മുടി കളര്‍ ചെയ്താല്‍ നിറം പിടിക്കില്ല. രണ്ടു ദിവസമെങ്കിലും ഷാംപൂ ഒഴിവാക്കി കളര്‍ ചെയ്യുക. കളര്‍ ചെയ്ത മുടിയ്ക്കുള്ള പ്രത്യേകം ഷാംപൂവും കണ്ടീഷണറും ലഭ്യമാണ്. ഇവ ഉപയോഗിച്ചാല്‍ നിറം മങ്ങുന്നത് കുറയും. മുടി കളര്‍ ചെയ്താല്‍ കഴിവതും ഷാംപൂവിന്റെ ഉപയോഗം കുറക്കുകയാണെങ്കില്‍ നിറം മങ്ങില്ല. കണ്ടീഷണര്‍ മുടിയില്‍ ഉപയോഗിക്കുന്നത് നല്ലതാണ്.

സൂര്യപ്രകാശവും മുടിയുടെ നിറം കുറയ്ക്കും. കടുത്ത വെയിലില്‍ ഇറങ്ങാതിരിക്കുകയാണ് മുടിയുടെ നിറം നിലനില്‍ക്കാനും മുടിയുടെ ആരോഗ്യത്തിനും നല്ലത്. ചൂടുവെള്ളത്തില്‍ മുടി കഴുകുന്നതും ഒഴിവാക്കണം