മുടി വളരാന്‍ എണ്ണ വീട്ടിലുണ്ടാക്കാം

മുടിയില്‍ ഹെന്ന ചെയ്താലുള്ള ഗുണങ്ങള്‍ നിരവധിയാണ്. എന്നാല്‍ വെളിച്ചെണ്ണയില്‍ ഒരു പിടി മയിലാഞ്ചിയില ഇട്ട് തിളപ്പിച്ചാല്‍ ഹെന്ന ഓയിലായി. മുടി വളര്‍ച്ചക്കും മുടിക്ക് ബലം നല്‍കാനും ഇത് വളരെ നല്ലതാണ്.

ചെമ്പരത്തിപ്പൂവിട്ട് കാച്ചിയ വെളിച്ചെണ്ണ മുടിവളര്‍ച്ചയെ സഹായിക്കും. മുത്തശ്ശിമാരുടെ മുടിവളര്‍ച്ചയുടെ രഹസ്യം കൂടിയാണിത്.

തേയില ചായയുണ്ടാക്കാന്‍ മാത്രമല്ലാ, മുടിവളര്‍ച്ചെയെയും ത്വരിതപ്പെടുത്തും. ഒലീവ് ഓയില്‍ ചൂടാക്കി അതില്‍ ടീ ബാഗുകള്‍ ഇട്ടുവച്ച് ഈ വെളിച്ചെണ്ണ തലയില്‍ തേക്കാം. ഇത് ആന്റി ഓക്‌സിഡന്റ് ഗുണം കൂടി നല്‍കും.

നെല്ലിക്ക മുടിവളര്‍ച്ചക്ക് വളരെ നല്ലതാണ്. നെല്ലിക്ക ഉണക്കിപ്പൊടിച്ച് വെളിച്ചെണ്ണയിലിട്ടു മുറുക്കി തലയില്‍ തേക്കാം. മുടിവളര്‍ച്ച കൂടും. മുടി കൊഴിച്ചിലും കുറയും.

സാധാരണ രീതിയില്‍ നിന്ന് വ്യത്യസ്തമായി മുടിക്ക് ഇത്തരം എണ്ണകള്‍ കൊണ്ട് സംരക്ഷണം കൊടുത്തു നോക്കൂ