മുടികൊഴിച്ചില്‍ തടയാന്‍ ഉലുവ

ഉലുവയുടെ ഔഷധഗുണങ്ങളെക്കുറിച്ച് ആര്‍ക്കും തര്‍ക്കമുണ്ടാകില്ല. ശരീരത്തിന് മാത്രമല്ലാ, മുടിക്കും ഉലുവ നല്ലതാണ്. ഇത് തലയില്‍ തേക്കുന്നത് താരന്‍, മുടികൊഴിച്ചില്‍ എന്നിവയകറ്റും. ഉലുവ തേക്കുന്നത് കൊണ്ട് കണ്ണിനും കുളിര്‍മ കിട്ടും.

ഉലുവ തലയില്‍ തേക്കുമ്പോള്‍ നിക്കോട്ടിനിക് ആസിഡ്, പ്രോട്ടീന്‍ തുടങ്ങിയവ ലഭിക്കുന്നു. ഇത് മുടിക്ക് ബലമേകുകയും മുടിവളര്‍ച്ചയെ ത്വരിതപ്പെടുത്തുകയും ചെയ്യും. ഉലുവയിലുള്ള ലെസിത്തിന്‍ മുടിയുടെ വരള്‍ച്ച മാറ്റാന്‍ സഹായിക്കുന്നു.

ഉലുവ പലവിധത്തില്‍ തലയില്‍ തേക്കാം. ഇത് വെള്ളത്തിലിട്ടു വച്ച് അരച്ചു കുളിക്കുമ്പോള്‍ തേക്കാം. തലേന്ന ചെറുചൂടുള്ള വെളിച്ചെണ്ണയിട്ടു വച്ച് ഈ വെളിച്ചെണ്ണ തലയില്‍ തേച്ചുപിടിപ്പിക്കുന്നത് നല്ലതാണ്. അരച്ചെടുത്ത ഉലുവ മോരില്‍ കലര്‍ത്തി തലയില്‍ തേച്ച് ഒരു മണിക്കൂര്‍ കഴിഞ്ഞ് കഴുകിക്കളയാം. ഉലുവയും ഉലുവയിലയും ചെമ്പരത്തിയുടെ കൂടെ അരച്ചെടുത്ത് മുടിയില്‍ തേച്ചാല്‍ നല്ലൊന്നാന്തരം കണ്ടീഷണറായി.